MTRŞ ANS-i bağlamaqda qərarlıdır
Milli Teleradio Şurası (MTRŞ) ANS telekanalının yayımının dayandırılması haqqında zəruri sənədləri məhkəməyə təqdim edib. Bu barədə MTRŞ rəhbəri Nuşirəvan Məhərrəmli bildirib. Onun sözlərinə görə, MTRŞ öz səlahiyyətləri çərçivəsində hərəkət edir, telekanalın bağlanması ilə qanuna tamamilə uyğundur.
Belə ki, televiziya və ya radio qurumu bir il ərzində üç dəfə məsuliyyət tədbirlərinə məruz qalırsa, MTRŞ-nin onun bağlanması haqqında təşəbbüs irəli sürmək hüququ var.
Hazırki vəziyyətdə MTRŞ "öz hüququndan istifadə edərək", ANS-i yayımını dayandırıb, deyə o bildirib. Bundan başqa, Məhərrəmli qeyd edib ki, ANS məhkəmələrin qanunvericiliyin pozulmasına görə kanala təyin etdiyi 161 min manat cəriməni ödəmir.
Xatırladaq ki, iyulun 18-də saat 18:30-da Türkiyə hakimiyyətinin "terrorçu" elan etdiyi, Amerikada yaşayan Fetullah Gülenin müsahibəsinin efirə verilməsi haqqında məlumatla əlaqədar ANS teleradiosunun yayımı dayandırılıb. MTRŞ ANS-i "terrorizmin təbliğində" ittiham edir.
Növbəti gün MTRŞ bildirib ki, telekanalın lisenziyasının tamamilə ləğv edilməsi üçün məhkəməyə müraciət edəcək. Telekanal rəhbərliyi öz "səhvini" etiraf etsə də və ölkə rəhbərliyindən 22 iyul Milli Mətbuat Gününə qədər yayımı bərpa etməyi xahiş etsə də, bu, baş verməyib. -06D-
-
- Mədəniyyət
- 23 İyul 2016 13:26
-
- Dünyada
- 23 İyul 2016 15:10
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz