Bakı/15.08.17/Turan: Azərbaycan telekanallarında Azərbaycan ədəbi dilinin fonetik, leksik, qrammatik, üslub normaları pozulur. Milli Televiziya və Radio Şurası (MTRŞ) və Bakı Dövlət Universitetinin (BDU) Azərbaycan dilçiliyi kafedrasının keçirdiyi birgə monitorinqin nəticələri bunu göstərir.
Monitorinq İctimai Televiziya, ATV, "Space", "Lider", "Xəzər" və ARB kanallarını əhatə edib.
2017-ci ilin iyun-iyul aylarında keçirilən monitorinq zamanı 852 pozuntu qeydə alınıb: 371 fonetik, 177 leksik, 200 qrammatik, 104 üslub norması.
"Mən televiziya aparıcılarının sürətli danışığını qəbul etmirəm. Bəzən aparıcılar o qədər sürətlə danışırlar ki, onların dediklərinin mahiyyətini başa düşmək olmur", - MTRŞ sədri Nuşirəvan Məhərrəmli deyib.
Azərbaycan ədəbi dilinin saflığı qorunmalıdır.
"Hazırda böyük dövlətlərin dilləri milli dilimizin üzərinə sanki hücuma keçib. Buna qarşı mübarizə aparmaq çətindir, lakin biz mümkün olanı etməliyik", - MTRŞ sədri vurğulayıb.
O, digər narahatedici məqamlardan biri kimi efirdə şivə, ləhcə ilə danışmağı göstərib.
Monitorinq KİV-ə Dövlət Dəstəyi Fondunun maliyyələşdirdiyi layihə çərçivəsində keçirilib. 05BD06-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz