Müdafiə Komitəsi: Bu, ölkənin imicinə də zərbədir
Həbsdə olan hüquqşünas Rüfət Səfərovun Hüquqlarını Müdafiə Komitəsi bəyanat yayıb.
Müəlliflər sənəddə R.Səfərovu həm hüquqşünas, həm də sözün əsl mənasında vətənpərvər bir insan kimi dəyərləndirirlər: “O, mütərəqqi düşüncəli, haqqı-ədaləti qoruyan ləyaqətli bir gəncdir. Ölkədə baş verən haqsızlıqlara, rüşvət və korrupsiyaya, habelə kütləvi hüquqsuzluğa qarşı etiraz edərək işlədiyi prokurorluq orqanından istefa verib”.
Sənəddə R.Səfərova qarşı məhz rüşvət və korrupsiya ittihamı qaldırılan cinayət işi başdan-ayağa saxta adlandırılır. Müəlliflər qeyd edirlər ki, məhz R.Səfərovun bəyanat verərək prokuroluq orqanından çıxması bəzi səlahiyyət sahiblərinin hiddətinə səbəb olub. Sənəddə R.Səfərovun uzun müddətə azadlıqdan məhrum edilməsi də əsassız sayılır: “O, tamamilə absurd ittihamlarla 9 il həbs cəzasına məhkum edildi. Lənkəran Ağır Cinayətlər Məhkəməsi işə baxarkən vəkil B.Bayramova təzyiqlər edilib, müdafiə çıxışına hazırlaşmaq üçün vaxt istənilsə də buna imkan verilməyib, haqqında xüsusi qərar çıxarılacağı ilə hədələnib”.
Müəlliflər təqsirləndirilən R.Səfərova son söz verilmədiyini xüsusi qeyd edərək belə dəyərləndirirlər: “Bu, məhkəmə tarixində görünməmiş bir hadisə idi. Bu isə, öz növbəsində, Azərbaycanın tərəfdar çıxdığı beynəlxalq konvensiyalara və ölkə qanunvericiliyinə birbaşa ziddir”. Məülliflər hakimin çıxardığı qərarı ədalətsiz, qanunsuz və nonsens kimi dəyərləndirirlər.
Müəlliflərə görə, bu qərar təkcə azad düşüncəyə, müstəqil demokratik təfəkkürə malik olan gənc bir hüquq işçisinə qarşı yox, eləcə də özünü hüquqi dövlət elan edən ölkənin demokratik imicinə böyük bir zərbədir: “Biz Müdafiə Komitəsinin üzvü olan ictimai xadimlər, jurnalistlər, hüquqşünaslar bu sayaq aşkar haqsızlığa qarşı öz qəti etirazımızı bildirir və ümid edirik ki, həm ölkə rəhbərliyi, eləcə də hüquq müdafiəçiləri bu qanunsuz hökmün absurdluğunu dərk edərək yol verilmiş bu haqsızlığın tezliklə aradan qaldırılmasına yardımçı olcaqlar”.
Müəlliflər ölkədə fəaliyyət göstərən diplomatik korpusların, insan hüquq və azadlıqları ilə məşğul olan beynəlxalq qururmların da bu məsələnin ciddiliyinin fərqində olacaqlarına əminlik ifadə edirlər. Müəlliflərə görə, R.Səfərovun konstitusiyada təsbit edilən hüquqlarının pozulması azad sözə və müstəqil düşüncəyə malik vətəndaşa qarşı cəza tədbiridir.
Müəlliflər ölkə Konstitusyasında nəzərdə tutulan məqbul hüquqi vasitələrdən istifadə edərək R.Səfərovun azad olunmasına səy göstərəcək, bu istiqamətdə bütün zəruri addımları atacaqlar.
Xatırladaq ki, Zərdab rayon prokurorluğunun müstəntiqi R.Səfərov 2015-ci il dekabrın 20-də bəyanat yayaraq prokurorluq orqanlarından istefa verib. Dekabrın sonunda Binəqədi rayon məhkəməsi R.Səfərov barəsində 3 ay 26 günlük həbs qət-imkan tədbiri seçib. Ona qarşı təkrar rüşvət almaq ittihamı ilə cinayət işi qaldırılıb.2016-cı ilin yanvaında həbs qət-imkan tədbiri ev dustaqlığı ilə əvəz edilib. Bu il sentyabrın 9-da Lənkəran Ağır Cinayətlər Məhkəməsinin qərarı ilə 9 il müddətinə azadlıqdan məhrum edilib. -05D-
-
- İqtisadiyyat
- 6 Oktyabr 2016 15:37
-
- Cəmiyyət
- 6 Oktyabr 2016 17:13
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz