Müdafiə naziri hüquqdan üstündür?
Çərşənbə günü Ehtiyatda olan Zabitlər Birliyi Müdafiə Nazirliyinin hüquqi qüvvəyə minmiş qətnamələrin icrasından imtina etməsinə dair mətbuat konfransı keçirib.
Birliyin rəhbəri Yaşar Cəfərli 17 belə məhkəmə qətnaməsinin olduğunu bildirib. Bu qətnamələr hüquqi qüvvə kəsb etsə də müdafiə naziri Səfər Əbiyevin müxtəlif bəhanələr, eləcə də hakimlərin əsassız qərarlar çıxarmasını bildirərək qətnamələrin icrasından imtina edir. Bu sırada elə qətnamə var ki, hüququ qüvvə kəsb etməsindən 11 il, eləsi var ki, 2 il keçir.
İstifadə edilməyən məzuniyyət əvəzinə pul kompensasiyasının ödənilməsilə bağlı 13 qətnamə mövcuddur. Bundan əlavə, döyüş bölgəsində xidmət dövründə əmək haqqının verilməyən hissəsinin (3-cü qatın) ödənilməsi, əmək pensiyasının yenidən hesablanması və s. məzmunlu qətnamələr də bu sırada yer alır.
Y.Cəfərlinin özü ilə bağlı iki məhkəmə qərarını Avropa məhkəməsi təsdiq etsə də hələki icra olunmur.
Bununla bağlı Ədliyyə Nazirliyinə, Məhkəmə Qərarlarının İcrası İdarəsinə müraciət olunsa da müsbət nəticə yoxdur. Məhkəmə icraçılarının məhkəmə qərarını icra etməməsi haqda məhkəmə qərarının olması belə bu sistemin rəhbərliyini fəaliyyətə keçirə bilməyib.
“Bu, hüquqi məsələ deyil, müdafiə naziri Səfər Əbiyevin hüquqa, dövlət adına çıxarılan qərara hörmətsizliyinin ifadəsidir, bu nazirin özünü hüquqdan üstün saymasıdır”, - Y.Cəfərli vurğulayıb.
Zabitlər Birliyi məsələni ictimailəşdirmək, ictimaiyyətin diqqətini bu məsələyə cəmləmək üçün etiraz aksiyası keçirmək niyyətindədir.-05C-
-
- İqtisadiyyat
- 20 Fevral 2013 12:37
-
- İqtisadiyyat
- 20 Fevral 2013 12:52
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz