Bu gün Dövlət Sosial Müdafiə Fondunda (DSMF) icbari sosial sığorta reyestrinə daxil edilən informasiyaların vətəndaşlara verilməsi elektron sosial xidmətin təqdimatı keçirilib.
DSMF sədri S.Müslümov bəyan edib ki, elektron xidmət şəffaflıq, nəzarət və gələcək pensiya təminatına əminlik verəcək. Sonuncu xidmət «elektron hökumət” reyestrində 8-cidir və Fondun səhifəsində yerləşdirlib (http://www.ehdis.az/infoportal/dispatcher?page=cats&actp=mp0&fk_pr=0bgv69f4uo102g&fk_cn=0bhb4nfzc01063&lang=az&org_oid). Onun sayəsində istənilən işləyən vətəndaş yığılan pensiya kapitalı və DSMF-yə ayırmalar barədə məlumat əldə edə bilər. Bu il fevralın 20-i üçün 2 mln 351 min 538 nəfər sosial sığorta şəhadətnaməsi alıb.
Buna qədər Fond 7 elektron xidmət təqdim edirdi – pensiya kalkulyatoru, pensiya təyinatı barədə məlumat, onu dəyişmək üçün müraciət forması, şəxsi hesab açılması üçün ərizə forması və s.
Müslümovun sözlərinə görə, 2015-ci il üçün DSMF Ehdis.az portalında 25 xidmət təqdim edəcək. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz