Azərbaycan Dövlət Neft Şirkəti məşhur yerli biznesmeni Türkiyədə öz biznes əməliyyatlarının genişləndirilməsi layihələrinə cəlb edir. Bu barədə Hürriyet-ə müsahibəsində SOCAR Turkey Enerji (ARDNŞ törəməsi) rəhbəri Kənan Yavuz bildirib.
Onun sözlərinə görə, SOCAR Turkey Gaz Dağıtım və SOCAR Turkey Petrol Enerji Dagıtım (neft məhsulları - dizel yanacağı, benzin, mazut paylayır, SOCAR Power Enerji Yatırımları (elektrik enerjisi istehsalı) türkiyəli biznesmen, Ramsey şirkətinin sahibi Rəmzi Gürlə birgə yaradılıb və bir-birindən asılı deyil.
Yavuz izah edib ki, bu şirkətlər 2016-cı ildə İzmirdə SOCAR Star NEZ-in istismara veriləcəyi ilə bağlı yaradılıb. Star NEZ-in istismara verilməsi ilə eyni vaxtda onun yanında 612 MVt gücündə İES istismara veriləcək. “Ona görə SOCAR Power Enerji Yatırımları elektrik enerjisi istehsalı ilə məşğul olacaq”, - deyə ARDNŞ təmsilçisi bildirib.
Qeyd edək ki, İzmirdə İES layihəsi üçün ümumi investisiyalar $1 mlrd qiymətləndirilir.
SOCAR Turkey Petrol Enerji Dagıtım distribütor şirkəti 10 yanvar 2013-cü ildə Türkiyənin enerji bazarının tənzimlənməsi idarəsindən 10 yanvar 2028-ci ilə kimi lisenziya alıb.
Hürriyet müxbiri ilə söhbətində Rəmzi Gür ARDNŞ ilə tərəfdaşlığını təsdiqləməyib. O deyib ki, “geotermal energetikaya kapital qoyub”. --12B--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz