«Atəşgah» sığorta şirkətinin yeni məhsulu

«Atəşgah» sığorta şirkəti müştərilərə “Icbari+” xidmətini təklif edir. . 

Yenilik avtonəqliyyat vasitəsi sahiblərinin mülki məsuliyyətinin icbari sığortasına  (AVSMMİS) aiddir v’ mexaniki avtonəqliyyat vasitələrinin istifadəsi nəticəsində ölkə ərazisində fiziki şəxslərin sağlamlığına, həmçinin fiziki və hüquqi şəxslərin əmlakına vurduğu zərərlərin əvəzinin ödənilməsi məqsədi ilə tətbiq edilir. Şirkətin bu yeni məhsulu bir növ AVSMMİS-nın “davamı”dır və sığorta təminatının 10 min. AZN –dək (5 min AZN AVSMMİS üzrə və 5 min AZN nəqliyyat vasitələrinin könüllü məsuliyyət sığortası üzrə sığorta təminatıdır) artırılmasını nəzərdə tutur.

İndi AVSMMİS şəhadətnaməsini əldə edərkən hər bir avtomobil sahibi cəmi 19 AZN ödəməklə əlavə olaraq nəqliyyat vasitələrinin könüllü məsuliyyət sığortası üzrə 5 min AZN məbləğində təminat əldə edə bilər.

“İcbari+” məhsulunu əldə etmək üçün “Atəşgah” SŞ-nin Bakıda yerləşən istənilən ofisinə müraciət etmək olar. Telefonla məlumat almaq imkanı da yaradılıb -  (012) 940/

“Atəşgah” sığorta şirkəti 1996-cı ilin sonunda təsis edilib. “Atəşgah” SŞ və “Atəşgah Həyat” SŞ “Atəşgah” Sığorta Qrupuna daxildir. 2012-ci ildə qrupun sığorta haqları 53,5 mln AZN, ödənişləri isə 13,2 mln AZN olub. “Atəşgah” SQ müştərilərinə 20-dən çox sığorta növü üzrə xidmət göstərir.  --17D—