Müdafiə Nazirliiyi ermənilərin itki verdiyini bildirib

Regiondakı hərbi-siyasi vəziyyətdən istifadə etməyə çalışan erməni silahlı bölmələri dekabrın 4-nə keçən gecə cəbhənin müxtəlif istiqamətlərində müdafiənin ön xəttində yerləşən mövqelərimizə basqın etməyə cəhd göstəriblər.

Müdafiə Nazirliyinin mətbuat xidmətinin məlumatına görə, Azərbaycan Silahlı Qüvvələrinin bölmələri düşməni qabaqcadan aşkar edərək onun hərəkətinin qarşısını qətiyyətlə alıblar. Erməni tərəfi xeyli sayda itki verərək geri çəkilməyə məcbur edilib. Hazırda onun itkilərinin sayı dəqiqləşdirilir.

Mətbuat xidməti düşmənlə döyüşdə Azərbaycan Silahlı Qüvvələrinin bir gizirinin yaralanıdığnı bildirib. İlkin tibbi yardım göstərildikdən sonra yaralı hərbi qulluqçu tibb müəssisəsinə təxliyə edilib, sağlamlığına heç bir təhlükə yoxdur və həkimlərin nəzarəti altındadır.

Müdafiə Nazirliyi bildirib ki, Azərbaycan ordusu bütün cəbhə boyu əməliyyat şəraitinə tam nəzarət edir və düşmənin istənilən hərəkətinin qarşısını qətiyyətlə almağa hazırdır.

Mətbuat xidməti həmçinin xatırladır ki, son günlər Ermənistan Silahlı Qüvvələri bütün cəbhəboyu ərazilərdə təxribat xarakterli fəaliyyətlini genişləndirməyə çalışır.

Günortaya yaxın Ermənistanın Müdafiə Nazirliyi baş verənlərlə bağlı öz versiyasını bildirib. Belə ki, guya saat 04:30-da Azərbaycanın təxribat qrupu Talış kəndi (cəbhənin şimal-şərqi hissəsi) ərazisində erməni tərəfə keçməyə cəhd göstərib.

Mənbənin məlumatına görə, toqquşma zamanı Azərbaycan tərəfi itki verərək geri çəkilib. Erməni tərəfdən hərbçi Erik Qriqoryan (1995-ci ildə anadan olub) həlak olub.-03D-