Müdafiə Nazirliyi və Hərbi Prokurorluq əsgər Teyfor Bəyovun döyülmə nəticəsində öldüyü haqqında məlumatları təkzib edib.
Bu qurumların birgə bəyanatında deyilir ki, avqustun 6-da Teyfor Bəyov hərbi hissənin tibb məntəqəsinə müraciət edib, ona “kəskin respirator” xəstəlik diaqnozu qoyularaq hərarətsalıcı dərmanlar verilib və hərarəti aşağı düşdükdən sonra nahar yeməyinə gedib. Nahar yeməyindən sonra o, yenidən tibb məntəqəsinə müraciət edib və həmin gün saat 16 radələrində hospitala təxliyə olunub.
Hərbi hospitalda ona “hemorragik vaskulitin qarışıq forması (dəri-böyrək)” diaqnozu qoyulub. İldırımsürətli gediş dəri səpkiləri, kəskin böyrək və III dərəcəli kəskin tənəffüs çatışmazlığı, habelə kəskin ağ ciyər və ürək çatışmazlığı ilə müşaiyət olunub. Əsgər reanimasiya bölməsinə yerləşdirilib. Lakin müalicə tədbirləri müsbət nəticə verməyərək, saat 22 radələrində T.Bəyov hospitalda vəfat edib.
Ölüm səbəblərinin dəqiqləşdirilməsi üçün əsgərin meyiti Müdafiə Nazirliyinin Məhkəmə-Tibbi Ekspertiza və Patoloji Anatomiya Mərkəzinə gətirilib və orada prokurorluq əməkdaşlarının iştirakı ilə meyitin xarici və daxili müayinəsi keçirilib. Müayinə zamanı meyitin bədən səthində travma mənşəli hər-hansı xəsarət və ya xəsarət izi aşkar edilməyib. Ekspertlərin ilkin qənaətinə görə, T. Bəyovun ölümünə yuxarıda qeyd olunan xəstəlik səbəb olub.
Naxçıvan MR Hərbi prokurorluğu tərəfindən CM-in 342.2-ci maddəsi ilə (qulluğa səhlənkar yanaşma) cinayət işi başlanıb və hal-hazırda iş üzrə zəruri istintaq işlərinin icrası davam etdirilir, deyə məlumatda qeyd edilir.
* “Hemorragik vaskulit” infeksion xəstəlikdir. Bu xəstəlik dərmandan zəhərlənmə, yemək, soyuqdəymə, həşəratlar vasitəsilə yoluxa bilər. Əlamətləri isə əsasən dəridə səpkilər və daxili qanaxmalardır.
Tibb işçilərinin sözlərinə görə, düzgün müalicə zamanı xəstəlik müsbət nətiələnir.
İstənilən halda, belə bir infeksion xəstəliyin hərbi hissədə meydana çıxması sanitar-gigiyenik normaların pozulmasından xəbər verir. Belə olduğu halda, xəstəlik digər əsgərlərə üçün də təhlükəli ola bilər. -16D04-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz