![Açiq mənbələrdən foto.](https://turan.az/resized/750/500/resize/media/2021/main/060300033762.jpg)
Açiq mənbələrdən foto.
“Müdafiə xətti” təşkilatının maydan insan hüquqlarının pozulması faktları barədə hesabatı
Bakı/03.06.21/Turan: “Müdafiə xətti” hüquq müdafiə təşkilatı iyunun 3-də 2021-ci ilin mayında ölkədə insan hüquqlarının pozulması haqqında hesabatını dərc edib.
Təşkilatın icraçı direktoru Rüfət Səfərovun məlumatına görə, hakimiyyətin tənqidçilərinə təzyiq, həbs edilənlərə qarşı fiziki zorakılıq və işgəncə faktları olub.
“Siyasi azadlıqlar, şəxsi toxunulmazlıq, ədalətli məhkəmə araşdırması, fikir azadlığı, media azadlığı hüquqları sahəsində pozuntular qeydə alınıb. Ölkədə toplaşmaq azadlığı hüququ isə ümumiyyətlə dəfn olunub. Toplaşmağa cəhd edən insanlara qarşı güc tətbiq olunub”, deyə “Müdafiə xətti” təşkilatının hesabatında qeyd edilir.
Belə ki, mayın 3-də tələbələr İqtisad Universitetinin binası qarşısında aksiyaya cəhd edib. Aksiya iştirakçıları saxlanılıb, zorakılığa məruz qalıb.
Mayın 5-də həbsdə olan bloger Aslan Qurbanov cərimə kamerasına (karser) salınıb.
Mayın 5-də “Müsəlman Birliyi” Təşkilatının fəallarının Ramazan ayında qədr gecəsi keçirməsinin qarşısı alınıb. Fəallar inzibati məsuliyyətə cəlb edilib.
Fəal Bayram Məmmədovun Türkiyədə ölümü haqqında işlə bağlı ictimaiyyətə məlumat verilmir.
Mayın 7-də Bakıda “28 May” metro stansiyasının qarşısında sosial tələblərlə keçirilən aksiya zorakılıqla susdurulub.
Mayın 8-də satirik şair İbrahim Xudayi sosial şəbəkələrdə tənqidi şer yaydığına görə inanclı insanların zorakılığına məruz qalıb. Zoraıkılıq edənlərdən biri tapılaraq məsuliyyətə cəlb olunub.
Mayın 8-də Müsavat Partiyası fəallarının Rusiyanın Bakıdakı səfirliyi qarşısında piketə cəhdinin qarşısı alınıb. Polis qeyri-adekvat güc tətbiq edib.
Cəzaçəkmə müəssisələrində vəziyyətə toxunan Səfərov vəziyyətin ağır olduğunu qeyd edib.
“6 saylı Cəzaçəkmə Müəsissəsində 10 nəfər məhbus etiraz olaraq damarlarını doğrayıb. Bundan sonra problemi araşdırmaq əvəzinə məhbusların poçt göndərişlərinə qadağa qoyulub. Ölkədə cəzaların icrası siyasəti ədalətli deyil, islah siyasətindən isə söhbət gedə bilməz. Cəzaçəkmə müəssisələri bir qrup vəizfəli şəxsin nəzarətindədir”, deyə Səfərov vurğulayıb.
Onun sözlərinə görə, mayın 22-də həbsdə olan keçmiş baş prokuror Eldar Həsənovun vəziyyəti ağırlaşıb. “Avropa İnsan Haqları Məhkəməsi Avropa İnsan Hüquqları Konvensiyasının 39-cu maddəsinə uyğun olaraq Həsənovun stasionar müalicəyə cəlb edilməsi barədə qərar qəbul edib. Eldar Həsənovun müalicəsi hələ də təmin edilmir”, deyə o qeyd edib.
O həmçinin son günlərdə keçmiş siyasi məhbus İlkin Rüstəmzadə və onun yaxınlarına qarşı təzyiqlərin olduğunu bildirib.
Keçmiş siyasi məhbus Orxan Baxışlıya qarşı da təzyiqlər başlayıb. -30C06/03-
-
- Cəmiyyət
- 3 İyun 2021 15:03
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz