Andrei Rudenko
Bakı/03.06.21/Turan: Rusiya xarici işlər nazirinin müavini Andrey Rudenko iyunun 3-də Bakıya gəlib, bu barədə Azərbaycan Xarici İşlər Nazirliyinin mətbuat xidməti məlumat yayıb.
Elə bu gün Rudenkonun Azərbaycan xarici işlər nazirinin müavini Xələf Xələfovla məsləhtələşmələri keçirilib. Görüşün əsas mövzusu ikitərəfli strateji tərəfdaşlıq məsələləri olub, deyə məlumatda bildirilir.
Qeyd edək ki, dünən Moskvada Rusiya, Azərbaycan və Ermənistan nümayəndələrinin iştirakı ilə üçtərəfli məsləhətləşmələr keçirilib. Danışıqların mövzusu Ermənistan-Azərbaycan sərhədində vəziyyət olub. Görüş iştirakçıları haqqında rəsmi məlumat verilməyib, amma Ermənistan kütləvi informasiya vasitələrində Ermənistan tərəfdən görüşdə Baş Qərargah və Sərhəd Qüvvələri rəisinin müavininin, Azərbaycan tərəfdən Xarici Kəşfiyyat Xidmətinin rəhbərinin, Rusiya tərəfdən Qarabağdakı sülhməramlıların komandiri Murad Rüstəmovun iştirak etməsi barədə məlumatlar yayılıb.
Göründüyü qədər, Rudenko Moskvada əldə edilmiş razılıqları Azərbaycan rəhbərli ilə razılaşdıracaq. Murad Rüstəmov da eyni missiya ilə Yerevana səfər edib. -02D-
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz