Vətəndaş Cəmiyyətini Müdafiə Komitəsi (VCMK) cümə axşamı növbəti toplantı keçirib. Bu haqda Turan-a komitə üzvü Elşən Həsənli bildirib.
Onun sözlərinə görə, komitə üzvləri siyasi məhbus siyahısına baxaraq, Taleh Xasməmmədov və Mübariz Abdullayevin adlarını da bu siyahıya salıblar. E.Həsənov siyasi həbslər davam etdikcə bu siyahıya gələcəkdə yenidən baxmağın lazım olacağını vurğulayıb.
Bundan əlavə, qurum vətəndaş cəmiyyəti üzvlərinə təzyiqləri pisləyiblər. Belə ki, vətəndaş cəmiyyəti fəalı Aynur İmranova ifadə vermək adı ilə günaşırı ölkə prokurorluğuna çağırılır, “İqisadi Tədqiqatlar Mərkəzi”nin ofisində axtarış aparılır. E.Həsənov bu hadisələr barədə aidiyyatı orqanların hər-hansı açıqlama verməməsini qanunsuzluq kimi dəyərləndirib. “Elə ki, beyənlxalq qurumlar ölkədə vətəndaş cəmiyyəti qurumlarına dəstək vermək istəyir, elə həmin an təzyiqlər, hədələr, şantajlar işə salınır”, - deyə E.Həsənov rəsmi Bakının vətəndaş cəmiyyəti təzyiqlərinə qiymət verib.
E.Həsənov komitənin toplantılarını keçirdiyi Helsinki Vətəndaş Assambleyası Azərbaycan Milli Komitəsi ofisinin də bağlanmaq təhlükəsi qarşısında qaldığını söyləyib. Bəzi qurumların ofisin saxlanması üçün maddi dəstək vermək istədiklərini deyən E.Həsənov qrantlarla bağlı qanunvericiliyə son dəyişikliklərdən sonra bunun mümkünsüz olması üzündən xeyirxah niyyətlərini həyata keçirə bilmədiklərini nəzərə çatdırıb. -05B-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz