İnformasiya təhlükəsizliyi üzrə II Respublika elmi-praktik konfransı

Bakıda İnformasiya təhlükəsizliyi üzrə II Respublika elmi-praktik konfransı keçirilib.

Rabitə və yüksək texnologiyalar naziri Əli Abbasov jurnalistlərə deyib ki, Azərbaycanın informasiya sistemlərinə kiberhücumların illik artımı 30 faiz təşkil edib. Bunun 90 faizi xaricdən həyata keçirilir: "Hər həftə təqribən iki min personal və planşet kompyuterlər bu cür hucumlara məruz qalır", deyə Abbasov bildirib. “Monitorinqlər göstərir ki, ölkədə son istifadəçi qurğuların 25 faizi informasiya təhlükəsizliyi riskinə məruz qalır. Kritik informasiya infrastrukturu, xüsusilə, elektrik və su təchizatı, maliyyə, rabitə sistemi, müdafiə və s. sahələrində təhlükənin artması ilə əlaqədar olaraq informasiya təhlükəsizliyinin təmin edilməsi dövlət üçün prioritet məsələdir”, - deyə nazir Ə.Abbasov bildirib.

“Daxili siyasət əsasən tənzimləyici funksiyaların genişlənməsinə və beynəlxalq standartlara uyğun institusion inkişafın təmin edilməsinə yönəlib. Bu istiqamətdə dövlət strukturlarında, xüsusilə, respublikanın güc və hüquq mühafizə orqanlarında məsuliyyətin paylanma prinsipi tətbiq edilir”, - deyə nazir vurğulayıb.

 «Dövlətin siyasəti, bir tərəfdən, etibarlı mühitin təmin edilməsinə, ikinci tərəfdən kibertəhlükəsizlik sahəsində tədqiqatlara, sistemin qurulması və istifadə edilməsinə yönəlib: "Əsas elmi-texniki tədqiqatların aparılması və real texnoloji təhlükəsizlik sistemlərinin yaradılması üzrə səlahiyyətlər Milli Elmlər Akademiyasına verilib”, Ə.Abbasov bildirib. --17D—