![Müsavat Partiyası seçkilərdə iştirakı dayandırdı (YENİLƏNİB)](https://turan.az/resized/media/2015/main/102800134460-750-500-resize.webp)
Müsavat Partiyası seçkilərdə iştirakı dayandırdı (YENİLƏNİB)
Müsavat Partiyası noyabrın 1-də keçirilməsi nəzərdə tutulan parlament seçkilərində iştirakını dayandırır. Partiyanın başqanı Arif Hacılı bu bəyanatı çərşənbə günü keçirdiyi mətbuat konfransında səsləndirib.
O, bu qərarı qəbul etmələrinə səbəb kimi seçki prosesinin indiyə qədərki mərhələlərində çoxsaylı hüquqi pozuntuları göstərib. Partiyanın 73 dairədən irəli sürdüyü namizədlərdən 24-nün qeydə alındığını deyən A.Hacılı pariya qərarının namizədlərin hamısına şamil edildiyini deyib. O, bununla belə, partiya müşahidəçilərinin seçki posesinin bütün qalan mərhələlərini müşahidə edəcəklərini də nəzərə çatdırıb.
Seçki prosesinə qatılmağa səbəb kimi isə partiya başqanı prosesdə baş verən pozuntuların miqyasını xalqa çatdırmaq olduğunu vurğulayıb. Ölkədə hər-hansı seçki təbliğatı olmadığını, namizədlərə pulsuz efir vaxtı verilməməsini, namizədlərlə yanaşı, namizədlərə səs verən seçicilərin də təzyiqlərə məruz qalmalarını A.Hacılı ironiya ilə bu parlament seçkilərinin özəlliyi kimi dəyərləndirib. “Azərbaycan vətəndaşları Türkiyədə keçiriləcək parlament seçkiləri barədə daha çox informasiyaya malikdir, nəinki öz ölkəmizdə olan seçkilər haqda”, - deyə ölkədə rəsmi seçki təbliğatı getmədiyini söyləyib.
A.Hacılıya görə, Müsavat Partiyası seçkilərdə iştirak etdiyi müddətdə avtoritar rejimə müqavimət göstərən bir gücün olduğunu ortaya qoyub. “Bir mərhələdə prosesdə iştirak etmək önəmli idi, indi isə iştirakı dayandırmaq daha önəmlidir”, - deyə A.Hacılı bəyan edib. O, partiyadan namizədliyi irəli sürülmüş şəxslərin aidiyyatı seçki dairələrinə müraciət edərək, namizədliklərini geri götürdüklərini bəyan edəcəklərini açıqlayıb.
A.Hacılı seçkilərdən dərhal sonra seçkilərin nəticələrinə dair hesabatlarla çıxış edəcəklərini söyləyib. -05C-
2015 Oktyab 28 (Çərşənbə) 15:40:47
Bu gün Müsavat Partiyasının İdarə Heyəti parlament seçkilərində iştirak etməmək barədə qərar qəbul edib. Bu barədə partiya sədri Arif Hacılı İdarə Heyətinin iclasından sonra keçirilən mətbuat konfransında bildirib.
Xatırladaq ki, seçkilərdə Müsavat Partiyasından 25 namizəd iştirak edirdi.
Bundan öncə partiya hakimiyyətə təklif etmişdi ki, seçkilər 4 ay sonraya təyin edilsin və bu vaxta qədər siyasi məhbuslar azadlığa buraxılsın, seçkilərin keçirilməsi üçün demokratik şərait yaradılsln, bütün siyasi qüvvələr və namizədlər üçün bərabər imkanlar yaradılsın. Lakin bu istiqamətdə heç bir iş görülməyib.-05C-
-
- Cəmiyyət
- 28 Oktyabr 2015 15:18
-
- İqtisadiyyat
- 28 Oktyabr 2015 16:08
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz