Bu gün Lənkəran rayon məhkəməsi Müsavat Partiyası sədrinin müşaviri Yadigar Sadıqovu xuliqanlıq ittihamı ilə 6 il müddətinə azadlıqdan məhrum edib.
Prokuror Sadıqovun 221.3-cü (xuliqanlıq, silahdan istifadə ilə törədildikdə) maddə ilə 7 il müddətinə həbs edilməsini istəyib.
Xatırladaq ki, Sadıqov iyunun 27-də yerli sakin Rəşid Kərimovun şikayəti ilə saxlanılıb. Kərimov iyunun 25-də Sadıqovun Lənkəran şəhərində çayxanada onu döydüyünü iddia edib.
Hökm oxunmazdan əvvəl vəkillər və təqsirləndirilən şəxs özü çıxış edib.
Onlar cinayət işinin siyasi xarakterli olduğunu bildiriblər və bəraət hökmü çıxarılmasını istəyiblər.
Öz növbəsində, şikayətçi Kərimov təqsirləndirilən şəxsi və vəkilləri öldürməklə hədələyib. Sadıqovun zalda iştirak edən çoxsaylı tərəfdarları ədalətsiz hökmə etiraz əlaməti olaraq Azərbaycan himnini oxuyublar.
Sadıqov cənub bölgəsində fəal müxalifətçilərdən biridir və əhali arasında məşhurdur. O, həmçinin facebook-da fəaldır.
Sadıqov 2013-cü ilin yanvarında Müsavat Partiyasının lideri İsa Qəmbərin Lənkərana səfərini təşkil edirdi. Lakin səfər polis və hakim partiyanın yerli fəalları tərəfindən pozulub.
Hüquq müdafiəçilərinin Sadıqovun siyasi məhbus kimi qəbul edəcəyi şübhə doğurmur. -16D06-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz