Müsavat Partiyasının Şəki şəhər təşkilatının fəalı, həbsdə olan Yusif Qarayev azadlığa buraxılmayıb. Qərarı Şəki Apellyasiya Məhkəməsi martın 2-də çıxarıb. Bu haqda müsavatçının vəkili Nemət Kərimli məlumat verib.
Vəkilin məhkəməyə təqdim etdiyi apellyasiya şikayətində Y.Qarayevin əsassız, sırf siyasi fəaliyyətinə görə həbs edildiyi bildirilir, rayon məhkəməsinin qərarının ləğv edilməsi istənilirdi.
Ancaq məhkəmə müdafiə tərəfinin arqumentlərini qəbul etməyib. Şəki Rayon Məhkəməsinin müsavatçını inzibati həbs etməsi barədə qərarı qüvvədə saxlanılıb.
Xatırladaq ki, Müsavat Partiyası Şəki şəhər təşkilatının Nəzarət Təftiş Komissiyasının üzvü Yusif Qarayev fevralın 24-də saxlanılıb.
Şəki məhkəməsi polisə tabe olmamaqda günahlandırılan müsavatçını inzibati qaydada 25 sutka müddətinə həbs edib.
Müsavat Partiyasının həbs olayı ilə bağlı açıqlamasında deyilirdi ki, Y.Qarayevi polis əməkdaşları evindən aparıblar. Onun həbsinin əsl səbəbi fevralın 19-da mənzilində Müsavatın zona müşavirəsinin keçirilməsinə şərait yaratmasıdır.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz