“Mənim barəmdə irəli sürülən ittihamlar və gözlənilən məhkəmə qərarı əsassızdır və buna etiraz olaraq aclıq aksiyası keçirirəm”, - “Starxəbər” İnternet saytının rəhbəri, hazırda Kürdəxanı təcridxanasında saxlanılan Rasim Əlizadə Turan-a bildirib.
R.Əlizadə bu il martın sonlarında polisə müqavimət göstərmək adı ilə saxlansa da sonradan özünü PA-nın əməkdaşı kimi təqdim edərək dələduzluq etməsi haqda ittiham irəli sürülüb. O, müstəntiq Anar Çıraqovu saxta ittihamnamə hazırlamaqda ittiham edib.
İttiham tərəfin dələduzluq qurbanı kimi göstərdiyi şahidlərdən heç kim P.Əlizadəni dələduzluqda ittiham etməyib, bu şəxsin barəsində şikayət etmədiklərini söyləyiblər. Həbsdə saxlanma müddətinin artırılmasına toxunan R.Əlizadə deyib ki, baş prokurorun müavini Rüstəm Usubov bunu dələduzluq üzrə 10-a qədər şahidin olması və onların dindirilməsinin vacibliyi ilə əlaqələndirib.Amma indiyə kimi nəinki 10, heç bir şahid də nə dindirilib, nə də üzləşdirilib.
“Mənim həbsimə “Starxəbər” saytında bəzi rüşvət faktlarını ictimailəşdirməyim səbəb olub”, - R.Əlizadə bildirib.
R.Əlizadə Ağır Cinayətlərə dair Məhkəmədə ittiham tərəfin 7 il həbs cəzası istəməsinə hakim Mirzə Xankişiyevin reaksiya verməməsini də tənqid edib.
“Bu hakim cəmi bir sahidin ifadəsi əsasında məni həbsə almaq istəyir, bu da ki əsassızdır”, - R.Əlizadə etirazını bildirib.
Artıq 5 gündür ki, aclıq aksiyası keçirdiyini deyən R.Əlizadə barəsində qaldırılan cinayət işinin ləğv olunmasını və ona bəraət verilməsini tələb edir.
Rasim Əlizadə Bakı Dövlət Universiterini bitirib. ABŞ-ın Azərbaycandakı keçmiş səfiri Stenli Eskuderonun saxta sənədlərlə Nardaranda 30 ha torpaq sahəsi alması məsələsini ictimailəşdirməklə gündəmə gəlib. Bundan sonra Bakı kəndlərində aqrar sahədə baş verən pozuntularla bağlı fəaliyyət göstərib və ictimai birlik yaradıb. R.Əlizadə 2013-cü ildə “Starxəbər” saytını yaradıb, onun sahibidir.-05B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz