Müttəhimlər ittihamları əsassız sayaraq bəraət tələb edirlər

AMAY şirkətinin qurucusu Abdulla Abdullayev və onunla birgə təqsirləndirilən daha 5 nəfərin məhkəmə prosesi çərşənbə axşamı davam edib. 

Bu gün müttəhimlər son sözlə çıxış ediblər. Amma buna qədər vəkil Osman Kazımov dövlət ittihamçısının təqsirləndirilənlərə ağır cəza istəməsi barədə çıxışına münasibət bildirib. Vəkil hətta ən ağır cinayət olan zaman belə çox az hallarda hakimlərin müttəhimlərə 14 il cəza isətmədiyini xatırladıb. Təsdiqini tapmayan iqtisadi cinayətə görə dövlət ittihamçısının A.Abdullayevə belə ağır cəza istəməsinin arxasında qərəz, sifariş olduğunu vurğulayıb. O.Kazımov hakimə müdafiə tərəfin israrlı tələbinə baxmayaraq, sübutlar siyahısının təqdim edilmədiyini, cinayət işinin cinayət qanunvericiliyinin tələblərinin ciddi  pozuntusu ilə aparıldığını deyərək, bu cinayət işini ən eybəcər cinayət işlərindəın biri adlandırıb. Bu cinayət işilə bağlı hələ 2011-cu ildə çıxarılmış məhkəmə hökmü olduğunu xatırladan vəkil 2014-cü ildən yenidən cinayət işi balanmasını dövlətə hörmətsizlik kimi dəyərləndirib. O, adi mülki işin cinayət müstəvisinə gətirildiyini bəyan edərək, istintaqı özbaşınalıqda ittiham edib.

Daha sonra vəkil “Birlikbank”la, eləcə də “Xudafərin” firması ilə bağlı kredit məsələsində A.Abdullayevin tərəf olmadığını deyərək, buna görə də AMAY-ın sahibinə qarşı ittiham irəli sürülməsini əsassız sayıb. Eyni zamanda, “Xudafərin” firmasının Atatürk prospekti 80-78/30-da tikdiyi binada mənzil alan 262 sakindən 178-nin dindirilmədən ittiham tərəfin “zərərçəkən” kimi tanımasını vəkil ciddi qanun pozuntusu hesab edib. Onun fikrincə, belə pozuntulara görə məhkəmə cinayət işini geri qaytarmalı, icraata qəbul etməməli idi. A.Abdullayevə qarşı irəli sürülən çirkli pulların leqallaşdırılması ittihamı üzərində xüsusi dayanan vəkil dövlət ittihamçısından bu ittiham üzrə sübutlar siyahısı təqdim etməsini istəyib. Eləcə də O.Kazımov A.Abdullayevə qarşı məniməsmə, talan, dəldədulzluq kimi ittiihamların əsassız olduğunu vurğulayıb. Son olaraq, O.Kazımov qərar çıxararkən hakimi ədalətli olmağa çağırıb.

Daha sonra A.Abdullayevin məhkəməyə son sözdən ibarət çıxışı oxunub. A.Abdullayev irəli sürülən ittihamların heç birini qəbul etmədiyini, özünün, eləcə də təqsirləndirilən digər şəxslərin günahı olmadığını söyləyib.

Təqsirləndirilən şəxslərdən Vidadi Qurbanov və Nadejda İlyasova son sözlə çıxış edərək, özlərini təqsirsiz sayıblar və barələrində bəraət hökmü çıxarılmasını tələb ediblər. Amma təqsirləndirilən şəxslərdən Elşən Novruzov, Mehman Məmmədxanlı, Heydər Rzayev və Anar Əliyev son söz üçün hazırlaşmağa vaxt istəyiblər.

Hakim Əfqan Hacıyev prosesi sentyabrın 7-si saat 10:00-a təyin edib.

A.Abdullayev 2014-cü il aprelin 4-də həbs edilib. İstintaq A.Abdullayevə, eləcə də şirkətin təqsirləndiriən daha 5 əməkdaşına dələduzluq, mənimsəmə, talama, səlahiyyətdən sui-istifadə, çirkli pulların leqallaşdırılması kimi itithamlar irəli sürüb. Dövlət ittihamçısı A.Abdullayevə 14, Elşən Novruzova, Mehman Məmmdəxanlıya, Heydər Rzayevə, Anar Əliyevə, Vidadi Qrubanova 10, Nadejda İlyasovaya 9 il həbs cəzası tələb edib. -05C-