Nardaran Ağsaqqallar Şurasının sədri, Milli Şuranın üzvü Natiq Kərimovun ölkədən çıxmasına qadağa qoyulub. Bu barədə Turan-a Natiq Kərimov özü bildirib.
Hər 6 aydan bir İrana müayinəyə getdiyini deyən N. Kərimov, cümə günü Astara sərhəd-keçid məntəqəsindən İrana buraxılmayıb. Ölkədən çıxmasına qadağa qoyulduğu onun nəzərinə çatdırılıb.
N.Kərimov sənədlərində problemin olmadığını vurğulayıb, sərhəd-keçid məntəqəsində ölkədən çıxmasına qoyulan qadağanın səbəbləri də izah edilməyib. Nardaran ağsaqqalı günorta saat 12:00-a qədər sərhəd-keçid məntəqəsində gözləyib. Sərhəd xidmətinin Bakıya göndərdiyi sorğuya cavab gəlib ki, bu ilin aprel ayından N.Kərimovun ölkədən çıxmasına qadağa qoyulması barədə qərar verilib.
N.Kərimov apreldə ruhani-alim Taleh Bağırzadənin müdafiəsilə bağlı Nardaranda aksiyaların keçirildiyini söyləyib. Bundan əlavə, həmin vaxtlar hüquq-mühafizə orqanlarının 70 nəfər dindarın axtarışda olması haqda yaydığı xəbəri xatırladıb. O, bu qadağanın həmin aksiyalarla bağlı olduğunu ehtimal edir.
N.Kərimov ölkədən çıxması ilə bağlı qadağanı Sabunçu Rayon Polis İdarəsinin verdiyini deyib. Polis idarəsindən N.Kərimovun idarəyə gələrək məsələni araşdırması təklif olunub. Amma N.Kərimov bu məsələ ilə sentyabrın 4-də məşğul olacağını bildirib. -05B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz