Bakı/05.01.18/Turan: Siyasi Məhbusların Monitorinqi Mərkəzi Nardaran hadisələri üzrə təqsirləndirilən iki qrup barəsində uzunmüddətli azadlıqdan məhrumetmə hökmlərini pisləyib.
"Dünya Azərbaycanlılarının Həmrəylik Günü və Yeni İl ərəfəsində gözlənilən əvf yerinə Nardaran hadisələri üzrə təqsirləndirilən iki qrup barəsində amansız hökmlər çıxarılıb. Onlar 12 ildən 15 ilə qədər azadlıqdan məhrum edilib", deyə hüquq müdafiə təşkilatının sədri Elşən Həsənov bildirib.
Onun sözlərinə görə, "Nardaran işi-2" və "Nardaran işi-3" üzrə 24 nəfər, o cümlədən "Müsəlman Birliyi" Hərəkatının sədr müavini Elçin Qasımov və məşhur ilahiyyatçı Zülfüqar Mikayılov həbs edilib.
Bu arada, həbs olunanlar arasında "Müsəlman Birliyi" hərəkatı ilə əlaqəsi olmayan şəxslər də var.
Həsənovun sözlərinə görə, ibtidai istintaq və məhkəmə prosesləri Avropa İnsan Hüquqları Konvensiyasının kobud şəkildə pozulması ilə keçirilib. Bir çox təqsirləndirilən şəxs səmərəli hüquqi müdafiədən məhrum edilib. 20-dən çox təqsirləndirilən şəxsi cəmi 4 vəkil müdafiə edib, onların vəsatətləri təmin edilməyib, işgəncə şikayətlərinə baxılmayıb, hüquq müdafiəçilərinin məhkəmələrdə iştirakı isə məhdudlaşdırılıb.
Siyasi Məhbusların Monitorinqi Mərkəzi sözügedən işlərdə təqsirləndirilən şəxslərin Avropa İnsan Hüquqları Konvensiyasının 3-cü (işgəncələrin qadağan edilməsi), 6-cı (ədalətli məhkəmə təhqiqatı hüququ), 7-ci (müstəsna olaraq qanun əsasında cəzalandırma) və 13-cü (səmərəli hüquqi müdafiə vasitəsi hüququ) maddələrində zəmanət verilmiş hüquqlarının pozulduğunu müəyyən edib.
"Çıxarılmış hökmləri hüquqi cəhətdən əsassız və siyasi motivli hesab edirik. Həbs edilən şəxslərin azad edilməsini tələb edirik", deyə bəyanatda bildirilir.
"Nardaran hadisələri" üzrə mühakimə olunan şəxslər yerli və beynəlxalq hüquq müdafiəçiləri tərəfindən siyasi məhbus kimi tanınıb, deyə sənəddə bildirilir.
* 26 noyabr 2015-ci il tarixində polis Nardaran qəsəbəsində xüsusi əməliyyat keçirib, əməliyyat zamanı "Müsəlman Birliyi" hərəkatının lideri Taleh Bağırzadə və onun tərəfdarlarından ibarət qrup həbs edilib.
Bundan sonra Bakıda və digər bölgələrdə "Müsəlman Birliyi" Hərəkatının fəalları və tərəfdarları həbs edilib, onlar terrorizmdə, qanunsuz silah saxlamaqda, konstitusiya quruluşunu zorla dəyişdirmək cəhdində, polisə müqavimət göstərməkdə və s. ittiham olunublar. -06B-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz