Nardaranda həbs edilən dindarları ömürlük həbs təhlükəsi gözləyir

Noyabrın 26-da Nardaranda keçirilən xüsusi əməliyyat zamanı saxlanılan 14 dindara qarşı ağır cinayətlərin törədilməsi barədə ittihamlar  irəli sürülüb. Onların barəsində 4 ay müddətinə həbs qətimkan tədbiri seçilib. Bu barədə Turan-a hüquq-mühafizə orqanlarındakı mənbələr bildiriblər.

İstintaq həbs olunanlara qarşı CM-in aşağıdakı maddələrilə ittihamlar irəli sürüb: 120 (qəsdən qətl törətmək), 214 (terrorizm) 220 ( kütləvi iğtişaşlar), 228 (qanunsuz silah və hərbi sursat saxlamaq), 233 (ictimai asayişin pozulmasına yönələn hərəkətlərin təşkili), 279 (qanunvericilikdə nəzərdə tutulmayan silahlı birləşmələrin və qrupların yaradılması), 281 (dövlət əleyhinə açıq çağırışlar etmək), 283 (dini düşmənçiliyin salınması),  315 (hakimiyyət nümayəndəsinə qarşı zorakılıq tətbiq etməklə müqavimət göstərmək),   278 (hakimiyyətin zorla ələ keçirilməsnə cəhd).

Qeyd edək ki, təkcə sonuncu maddə ömürlük həbs cəzasını nəzərdə tutur.

Noyabrın 26-da DİN əməkdaşlarının Nardaranda keçirdyi xüsusi əməliyyat zamanı 14 nəfər saxlanılıb. Onların arasında “Müsəlman birliyi” Hərəkatının rəhbəri Taleh Bağırzadə da var.06D--