![Narkotik daşıyıcıları həbs edilib](https://turan.az/resized/media/2015/main/031300109709-750-500-resize.webp)
Narkotik daşıyıcıları həbs edilib
Dövlət Sərhəd Xidməti (DSX) külli miqdarda narkotik vasitəni dövlət sərhədindən keçirməyə cəhd edən qrupu ifşa edib. Bu haqda qurumun mətbuat xidməti bildirib.
Xəbərə görə bu il martın 5-də saat 24:00 radələrində Cəlilabad rayonunun Dələli kəndi ərazisində keçirilən əməliyyat-axtarış tədbiri nəticəsində xidmət əməkdaşları dövlət sərhədindən narkotik maddələri keçirən Salyan rayon sakinləri Rövşən Hüseynovu və Təlatün Mirzəyevi “Mercedes” markalı 99 NN 353 nömrəıi avtomobildə saxlayıblar.
Nakrotik daşıyıcıları xidmət əməkdaşlarının tələblərinə tabe olmayaraq gözyaşardıcı qazdan istifadə etməklə hadisə yerindən qaçmağa cəhd etsələr də, yaxalanıblar.
Saxlanılmış şəxslərin üzərinə baxış zamanı 4 kiloqram tiryək, 4 ədəd mobil telefon, 1 ədəd gözyaşardıcı qaz balonu aşkar edilərək götürülüb.
Faktla bağlı DSX-nin İstintaq və Təhqiqat İdarəsi tərəfindən Cinayət Məcəlləsinin 318 (dövlət sərhədini qanunsuz keçmə), 206 (qaçaqmalçılıq), 234 (narkotik vasitələrin qanunsuz dövriyyəsi) maddələri ilə cinayət işi başlanıb, həmin cinayətin iştirakçılarına qeyd olunan maddələrlə ittiham elan edilərək barələrində məhkəmənin qərarı ilə həbs-qətimkan tədbiri seçilib. Cinayəti törətmiş digər iştirakçıların müəyyən edilərək məsuliyyətə cəlb olunması məqsədilə əməliyyat-axtarış və istintaq tədbirləri davam etdirilir. -05D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz