Naxçıvan sakini səbəbsiz olaraq İrana buraxılmayıb
Xalq Cəbhəsi Partiyası Naxçıvan təşkilatının sədri Yaşar Bağırsoy Culfa keçid məntəqəsindən İrana buraxılmayıb. Bu haqda Turan-a Y.Bağırsoy özü bildirib.
O qeyd edib ki, yoxlama üçün pasportunu təqdim edib. Ona hər-hansı izah verilmədən İran tərəfə keçə bilməyəcəyi və bunun qadağan olduğu deyilib. Hətta pasportu belə əlindən alınıb.
Y.Bağırsoy məsələni ictimailəşdirəcəyini deyəndən sonra pasportunun qaytarılmasına nail olsa da, İran tərəfə buraxılmayıb. Keçid nməntəqəsindən kənara çıxarılıb. Onun sözlərinə görə, sərhəd xidməti əməkdaşlarından İrana keçməsinə hansı rəsmi qurumun qadağa qoyması haqda sualına cavab ala bilməyib.
Y.Bağırsoy baş vermiş hadisə ilə bağlı Naxçıvan prokuroruna müraciət edəcəyini nəzərə çatdırıb. -05B-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz