Nazirlik binanın qəzalı olduğunu deyir, A.Şərifov isə təmir etdirmək istəyir

Hacı Zeynalabdin Tağıyev toxuculuq kombinatına məxsus 4 saylı yataqxanada yaşayanların Prezident Administrasiyası ilə danışıqları demək olar ki, nəticəsiz başa çatıb. Bu haqda Turana yataqxana sakinlərindən Hafiz Xanquliyev xəbər verib.

172 ailənin yaşadığı bu yataqxana 2000-ci il zəlzələsindən sonra qəzalı duruma düşüb. Sakinlər Bakı şəhər icra hakimiyyətinə dəfələrlə müraciət etsələr də, müsbət nəticə olmayıb. Yalnız 2004-cü ildə Nazirlər Kabinetinin tapşırığı ilə Bakı şəhər icra hakimiyyəti yeni ev tikilməsi üçün torpaq sahəsi ayırıb. 2008-ci ildən tikinti başlayıb, 2012-ci ildə tikinti başa çatıb. 432 mənzildən ibarət 18 mərtəbəli bina tikilib. Amma bu ilin yazında bu binalardan yataqxanada yaşayan yalnız 80 ailəyə mənzil verilib. Qalan 80 ailəyə aldatma yolu ilə mənzildən imtina etmək və yataqxanada yaşamaq istəmək kimi sənədə imza atdırıblar. Sonradan isə Nazirlər Kabineti yataqxananın təmir olunması haqda sənəd hazırlayıb ki, bu da sakinlərin narazılığına səbəb olub. Buna cavab olaraq sakinlər sentyabrın 4-də Prezident Administrasiyası önündə aksiya keçiriblər. 

Bundan sonra PA-sı nümayəndələri sakinlərlə görüşüb. H.Xanquliyev qeyd edir ki, həmin görüşdə PA təmsilçiləri qalan 80 ailəyə mənzil verilməməsindən təəssüflənsələr də, nəyisə dəyişmək gücündə olmadıqlarını da söyləyiblər.

Sakinlər yataqxana binasının təmir-bərpa olunması haqda baş nazirin müavini Abid Şərifovun göstərişini əsassız sayırlar. Belə ki, Fövqəladə Hallar Nazirliyi binanın tam qəzalı olması haqda arayış hazırlayıb. Bundan sonra FHN Nazirlər Kabinetinə binanın təmir-bərpa işlərinin yeni bina tikilməsindən baha başa gələcəyi haqda arayış təqdim edib. Eyni məzmunlu arayışı Nazirlər Kabinetinə Bakı şəhər icra hakimiyyətinin də təqdim etdiyi deyilib.

H.Xanquliyev yaxın iki-üç gün PA-dan cavab gözlədiklərini, bundan sonra növbəti addımlarını müəyyən edəcəklərini söyləyib. -05B- 

 

Rəy yaz

Cəmiyyət

Sərhəddə gərginlik. Sülh danışıqları, yoxsa yenidən qarşıdurma? – Cəsur Məmmədov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti