MTN Azərbaycanın təhlükəsizliyinə olan təhdidlərin qarşısını almaq üçün bütün tədbirləri görür

“Azərbaycanın maraqları, mənafeləri və milli təhlükəsizliyinə qarşı mümkün təhdidlərin qarşısının alınması üçün bütün zəruri qabaqlayıcı tədbirlər həyata keçirilir. Operativ vəziyyət nəzarət altındadır”. Azərbaycan MTN-in ictimai əlaqələr mərkəzinin rəhbəri Arif Babayev Turan-ın müxbirinin azərbaycanlı zabit Ramil Səfərovun azad edilməsi ilə əlaqədar Ermənistan və beynəlxalq erməni təşkilatları tərəfindən Azərbaycana qarşı terror hədələrini şərh etmək xahişinə belə cavab verib. 

Bir müddət əvvəl Azərbaycan XİN-in Azərbaycanın səfirliklərinə diplomatik missiyaların təhlükəsizlik tədbirlərinin gücləndirilməsi üçün fəaliyyət göstərdikləri ölkələrin DİN-ə müraciət etməyi tapşırdığı bildirilirdi.

Dünən Azərbaycanın Macarıstandakı səfirliyinə ASALA terror təşkilatından səfirliyin bütün əməkdaşlarını öldürmək təhdidi yer alan elektron məktub daxil olub. -06B-