Bu gün Azərbaycan XİN rəhbəri Elmar Məmmədyarov ABŞ-ın yeni səfiri Riçard Morninqstarı qəbul edib. Görüşdə ikitərəfli münasibətlər məsələləri ilə yanaşı, Qarabağ mövzusu da müzakirə olunub.
Məmmədyarov Ermənistan-Azərbaycan münaqişəsinin sülh yolu ilə həlli istiqamətində aparılan danışıqların cari vəziyyəti haqda məlumat verib və münaqişənin həllinin uzanmasının regionda sülh və sabitliyə zərbə vurduğunu diqqətə çatdırıb. Münaqişənin Azərbaycanın ərazi bütövlüyü çərçivəsində həllinin vacibliyini diqqətə çatdıran Məmmədyarov işğal olunmuş torpaqlardan Ermənistan hərbi qüvvələrinin çıxarılması və məcburi köçkünlərin öz doğma torpaqlarına qayıtmasının zəruriliyini vurğulayıb.
Məmmədyarov həmçinin qeyd edib, ABŞ Dövlət Katibinin müavini Uilyam Börns ilə telefon danışığı zamanı Azərbaycan vətəndaşı Ramil Səfərovun ekstradisiya edilməsi və əfv olunması ilə bağlı Dövlət Departamentinin mövqeyinin Azərbaycan tərəfi üçün anlaşılmaz olduğunu qarşı tərəfin diqqətinə çatdırıb.
Nazir Ramil Səfərov məsələsinin Ermənistanın Azərbaycana qarşı təcavüzü və Azərbaycan xalqına qarşı törədilmiş etnik təmizləmə siyasəti kontekstində baxılmalı olduğunu bir daha vurğulayıb. -06D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz