Nazrilik rezidenturaya qəbul yerlərini artırmaq istəyir

Bakı/17.07.18/Turan: Səhiyyə Nazirliyi rezidenturaya qəbul üzrə plan yerlərinin artırılması ilə bağlı Nazirlər Kabinetinə müraciət edib. Məlumatı Dövlət İmtahan Mərkəzi (DİM) yayıb.

DİM bildirir ki, Nazirlər Kabineti əlavə plan yerlərini təsdiq edərək DİM-ə göndərdikdən sonra həmin yerlər haqqında məlumat veriləcək.

DİM bildirir ki, bununla bağlı "Namizədin elektron ixtisas seçimi" ərizəsi yenidən aktiv ediləcək ki, rezidentliyə namizədlər ərizələrə dəyişiklik edə bilsinlər.

Mərkəzdən verilən açıqlamaya görə, namizədlər yalnız əlavə edilən plan yerlərini nəzərə almaqla ixtisas seçimi etdikdən sonra rezidenturaya qəbul olmaq üçün müsabiqə keçiriləcək və nəticələr elan olunacaq.

Xatırladaq ki, rezidentliyə namizədlər ixtisas seçimi üzrə ilk imtahanı bu il fevralın 21-də veriblər. İyul ayında veriləcək imtahan ərəfsində namzidələrə məlum olub ki, rezidenturaya qəbul plan yeri 502 nəfərdən 332 nəfərə endirilib. Buna etiraz olaraq namizədlər Səhiyyə Nazirliyinə müraciət ediblər. Nazirlikdən isə onlara yaxın günlərdə cavab veriləcəyi deyilirdi.

Nazirlik açıqlamasında rezidenturada plan yerlərinin azalmasını dövlət sifarişinin azalması ilə izah edirdi. Amma nazirlik indiki müraciətində plan yerlərini nə qədər artırmaq istəməsi barədə informasiya vermir. -05D-