![Neft Akademiyasında hicablı tələbələr dərsə buraxılmayıb](https://turan.az/resized/750/500/resize/media/2013/main/040200033209.jpg)
Neft Akademiyasında hicablı tələbələr dərsə buraxılmayıb
Azərbaycan Dövlət Neft Akademiyasının (ADNA) 10-a yaxın hicablı tələbəsi dərsə buraxılmayıb.
Mühafizəçi qızları binanın əsas korpusuna buraxmayaraq, bunu hicabın Akademiyanın daxili nizamnaməsinə zidd olması ilə əsaslandırıb.
“Hicabla dərslərə girməyin qadağan ediləcəyi haqqında şaiyələr çoxdan var idi, lakin bunun real olacağına inanmırdım. Mən dördüncü kursda oxuyuram, tezliklə diplom müdafiəmiz olacaq. Bizi isə dərsə buraxmırlar. Axı başıaçıq gəzə bilmərəm”, deyə adını söyləməkdən imtina edən inanclı tələbələrdən biri Turan-ın müxbirinə bildirib.
Digər qız hicab qadağası ilə əlaqədar davamsızlıq yaranacağından, bunun isə imtahanlara təsir edəcəyindən ehtiyatlandığını bildirib. Tələbə ADNA nümayəndələrinin bu məsələyə aydınlıq gətirməməsindən qəzəblənib.
Yerli müşahidəçilər hesab edirlər ki, son günlər hakimiyyət qəsdən dindarlara təzyiqi gücləndirir. Hakimiyyətin Qərbə ölkədə prezident seçkiləri ərəfəsində dini əhval-ruhiyyənin gücləndiyini və bunun insan hüquqlarının pozulması ilə əlaqədar olmadığını göstərmək üçün dindarları etirazlara təşviq etdiyi barədə fikir var.
Hicab problemi yeni deyil, hakimiyyət qadağanı təhsil müəssisələrində başörtüsünü qadağan edən təhsil haqqında qanunla əsaslandırır. Bu qadağalar müntəzəm olaraq islamçıların etirazlarına səbəb olur, onlar Təhsil Nazirliyi qarşısında kütləvi etiraz aksiyaları keçirir.
Lakin bir müddət əvvəl orta məktəblərdə belə problemlər yaşansa da, ali məktəblərdə belə pozuntular yox idi. -16D06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz