Nərimanov rayon məhkəməsi mayın 27-də NİDA hərəkatının fəalı Anar Abdullanı polisə tabe olmama ittihamı ilə 10 gün müddətinə həbs edib, xəbəri NİDA hərəkatı yayıb.
Təşkilat həmçinin Abdullanın həbsindən əvvəl çəkilmiş videomüsahibəsini yayıb. Müsahibədə fəal bildirib ki, hələ mayın 24-də evinin yaxınlığında polisin onu izlədiyini görüb.
O bildirib ki, heç bir cinayət törətməyib və onu həbs etsələr, bu, siyasi sifarişdir.
Xatırladaq ki, bu gün günorta Abdulla 18-ci polis bölməsinə aparılıb. O, mayın 10-da Heydər Əliyevin abidəsində “Qul bayramınız mübarək” və “Rədd olsun sistem!” şüarları yazıldıqdan sonra saxlanılan beşinci gənc fəaldır.
Bu hadisədən bir gün sonra NİDA fəalı Bayram Məmmədov və “Sol cəbhə”nin üzvü Qiyas İbrahimov həbs edilib, onlar böyük ölçüdə narkotik maddənin qanunsuz dövriyyəsində ittiham olunub.
Mayın 25-də NİDA fəalı Amid Süleymanov və fotoreportyor Elnur Muxtar saxlanılıb, onlar 10 gün müddətinə həbs edilib. -05C06-
2016 May 27 (Cümə) 13:53:53
Bu gün NİDA Hərəkatının gənc fəalı Anar Abdulla saxlanılaraq Nərimanov rayon 18 saylı polis bölməsinə aparılıb. Bu barədə NİDA Hərəkatından bildirilib.
Hazırda polis bölməsində olanvəkil Şəhla Hümbətova saxlanmanın səbəblərini aydınlaşdırmağa çalışır. Lakin polisdə A.Abdullanın orada olmasını inkar etmək istəyirlər, baxmayaraq ki, vəkil özü orada onu görüb və Turan-ın müxbirinə bildirib.
Qeyd edək ki, bu, mayın 10-da Heydər Əliyevin abidəsinin üzərində “Qul bayramınız mübarək!” sözləri yazılandan sonra saxlanılan beşinci gənc fəaldır.
Bir gün sonra NİDA fəalları Bayram Məmmədov və “Sol cəbhə” üzvü Qiyas İbrahimov həbs edilib. Onlar böyük miqdarda qanunsuz narkotik maddə dövriyyəsində ittiham olunublar.
Mayın 25-də NİDA fəalı Amid Süleymanov və fotoreportyor Elnur Muxtar saxlanılıb. Onlar 10 sutka həbs ediliblər. 05C06-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz