NMR-də həbs edilmiş biznesmenin avtomobilini nasaz vəziyyətdə ailəsinə qaytarıblar

Naxçıvan Muxtar Respublikasında (NMR) həbs edilmiş biznesmen Məhəmməd Qurbanovun istintaq müddətinə müsadirə edilmiş avtomobili və üç mobil telefonu nasaz vəziyyətdə onun ailəsini qaytarılıb.

Qurbanov və kürəkəni və köməkçisi Nadir Məmmədov dekabrın 8-də “Sədərək” gömrük məntəqəsində bir gün əvvəl gömrükçülər tərəfindən saxlanılmış yüklərini almağa gəldikləri zaman döyülüblər. Yük sahibinin gömrükçülərə rüşvət ödəməkdən imtina etdiyi üçün saxlanılıb. Qurbanov və Məmmədovun döyülməsinə baxmayaraq, onlar həbs edilib və fevralın 13-də gömrükçülərə müqavimət göstərmək və xuliqanlıq ittihamı ilə müvafiq olaraq 4 və 5 il müddətinə azadlıqdan məhrum edilib. 

Qurbanovun qızı və Məmmədovun həyat yoldaşı Elnurə Qurbanova Turan-ın müxbirinə bildirib ki, bu gün Sədərək polisi istintaq müddətinə müsadirə olunmuş Ford Tranzit (yük) və Toyota Kamri avtomobillərini qaytarıb. Sədərək polisindən 100 metr aralanmadan Toyota-nın mühərriki yanıb və onu çətinliklə söndürüblər.

“Avtomobillərə texniki xidmət stansiyasından bizə bildiriblər ki, mühərrikə ya qum, ya da kiçik metal qırıntıları tökülüb. Maşınlardan Türkiyədən gətirilən ərzaq məhsullarının sənədləri, sürücü vəsiqələri, sığorta haqqında müqavilə də yoxa çıxıb. Üç mobil telefon da bizə nasaz vəziyyətdə qaytarılıb”, deyə Qurbanova bildirib.

Qurbanovanın ailəsi Toyota Kamri-ni il yarım əvvəl alıb və hələ kreditini belə ödəməyib. Sığorta şirkətindən mühərriklə bağlı problemlərə görə məsuliyyət daşımadıqlarını bildirərək, sığorta ödəməkdən imtina edirlər.

“Hakimiyyət ailəmizə ziyan vurmağa davam edir. Sərhəddə müsadiər edilmiş malları da bizə qaytarmırlar, onların yarısını məhv ediblər”, deyə Qurbanova bildirib.

Onun sözlərinə görə, saxlanılan yükün ümumi məbləği təxminən 9 min manat təşkil edirdi.

Bundan başqa, NMR DİN heç bir izahat və əsaslandırma vermədən, Qurbanovun digər kürəkəni Toğrul Abbasovun Türkiyəyə çıxışını qadağan edib. “Onu satılacaq malları gətirmək üçün Türkiyəyə buraxmırlar. Ailəmizi tamamilə yaşayış mənbəyindən məhrum etmək istəyirlər. Bundan başqa, biz avtomobilin kreditini ödəməliyik”, deyə Qurbanova bildirib.

Onun sözlərinə görə, NMR və Azərbaycan hakimiyyət orqanlarına çoxsaylı şikayətlərə baxmayaraq, ailə heç bir cavab almayıb.

Ailə apellyasiya şikayəti vermək üçün hökmün surətini də ala bilmir. -06B-