Jurnalisti cəzaçəkmə müəssisəsində belə rahat buraxmırlar
12 saylı cəzaçəkmə müəssisəsində saxlanılan Ucar jurnalisti Fuad Hüseynov hədələrə və təzyiqə məruz qalır. Buna səbəb 12 saylı cəzaçəkmə müəssisəsi məhbuslarının KİV-də prezident İlham Əliyevə və ədliyyə naziri Fikrət Məmmədova bu penitensiar müəssisədə qanunsuzluq, özbaşınalıq, rüşvət tələb edilməsi, məhbuslara qarşı qeyri-insani rəftar haqqında açıq məktub yayması olub. Bu barədə “Siyasi məhbuslarsız Azərbaycan” İctimai Alyansının Turan-a daxil olmuş məlumatında bildirilir.
Şikayət-məktubun yayılmasından sonra cəzaçəkmə müəssisəsinin rəhbərliyi “iftiraçıların ovuna” başlayıb.
Bu kampaniyanın qurbanlarından biri “Qurdlar vadisi – Ucar” (Türkiyənin mafiya fəaliyyəti haqqında məşhur “Qurdlar vadisi” serialının adından götürülüb) adlı jurnalist araşdırması ilə əlaqədar cinayət təqibinə məruz qalan jurnalist Fuad Hüseynov olub. Yazıda yerli polisin kriminal əməlləri barədə danışılırdı.
Məktub ortaya çıxdıqdan sonra Hüseynov kobud rəftara, hədələrə məruz qalır.
İctimai alyansın məlumatına görə, jurnalistə qarşı yeni cinayət işi təşkil etmək məqsədilə təxribat hazırlanır. Ona hətta “özünü yaxşı aparmasa, cəzaçəkmə müəssisəsindən sağ çıxmayacağı” barədə xəbərdarlıq ediblər.
Alyansın məlumatına görə, Hüseynov ona və doğmalarına qarşı təzyiqlər olduğunu bildirib.
Bu zaman jurnalist müraciətin mətnini o yazmadığını bildirib.
Alyansın koordinatoru Oqtay Gülalıyev də bildirib ki, Hüseynov ümumiyyətlə müraciəti imzalamayıb. Digər tərəfdən, məhbusları cəzalandırmaqdansa, onların qaldırdıqları problemləri həll etmək daha yaxşı olardı. “Biz ombudsmana müraciət edəcəyik ki, 12 saylı cəzaçəkmə müəssisəsinə getsin və təzyiq göstərilən məhbuslarla görüşsün”, deyə Gülalıyev bildirib.
Keçmiş siyasi məhbus, vaxtilə Hüseynovun hüquqlarının müdafiəsi ilə məşğul olan hüquq müdafiəçisi Taleh Xasməmmədov cinayət işinin saxtalaşdırıldığını bildirib.
Məhbusların şikayətinə gəlincə, Xasməmmədov bildirib ki, ötən ilin sonlarında çıxdığı 17 saylı cəzaçəkmə müəssisəsində də analoji problemlər var. -06D-
-
- Cəmiyyət
- 20 Fevral 2013 15:34
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz