29 dekabr 2013-cü il tarixində Nobel Oil şirkəti korporativ sosial məsuliyyət proqramının bir hissəsi kimi, Gəncə şəhərində SOS Uşaq Kəndləri təşkilatı ilə birlikdə xüsusi qayğıya ehtiyacı olan uşaqlar üçün xeyriyyə tədbiri təşkil etdi.
Xeyriyyə tədbiri Dünya Azərbaycanlılarının Həmrəyliyi günü və Yeni il bayramının qeyd edilməsi məqsədilə təşkil olunmuşdur.
Xeyriyyə tədbirinin proqramına şənlikdə iştirak edən yüzdən artıq uşaq üçün nəzərdə tutulmuş Gəncənin yerli teatr aktyorlarının hazırladıqları şou proqram, müsabiqələr və hədiyyələrin təqdim olunma mərasimi daxildir.
SOS Uşaq Kəndləri Gəncə layihəsinin rəhbəri Yaşar Qocayev tədbir zamanı bunları söylədi: “Biz Azərbaycanda fəaliyyət göstərən özəl sektordan gələn dəstəyə görə öz təşəkkürümüzü bildiririk. Məhz bu cür kömək sayəsində belə tədbirlərin keçirilməsi mümkün olur”.
Nobel Oil şirkəti SOS Uşaq Kəndləri təşkilatı ilə 2012-ci ildən əməkdaşlıq edir və onun layihələrinə istər paytaxt Bakıda, istərsə də Azərbaycanın ikinci böyük şəhəri Gəncədə öz töhfəsini verir.
Nobel Oil şirkəti beynəlxalq təşkilatlarla əməkdaşlıq quraraq Azərbaycan gəncləri arasında təhsil və innovativ düşüncəni inkişaf etdirməklə gələcək nəsillərə dəstək olmağı özünə vəzifə borcu bilir.
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz