Yeni il süfrəsi son beş ildə 15%-dan artıq baxalaşıb

Yeni il süfrəsi son beş ildə 15-20% baxalaşıb. Beş il bundan əvvəl 4 nəfərlik bir ailənin orta səviyyəli bayram süfrəsinin təşkili üçün 50 AZN tələb olunurdusa, hal hazırda bunun üçün orta hesabla 70 AZN tələb olunur.

Son beş ildə, yəni 2008-ci ilin cari dövrü ilə müqaisədə ərzaq məhsullarının qiyməti orta hesabla 15,3% artıb. Belə ki, qiymət artımı sonrakı illərdə 2009-32,06%,  2010-9%, 2011-4,3%, 2012-ci ilin cari dövrünə nisbətdə isə 2,1% təşkil etmişdir. Son beş ildə qiyməti ən çox bahalaşan ərzaq məhsullarına mal əti-28,5%, qoyun əti-25%, balıq məhsulları-25%, şəkər tozu-18,5%, şəkər-55%, xama-33%, qatıq-25%, yerli pendir-17,8%, şirniyyat məhsulları-40%, kənd təsərrüfatı məhsullarından kartof-133%, soğan-82% göstərmək olar. 

Ekspertlər son beş ildə ərzaq məhsullarının durmadan bahalaşmasını bir sıra daxili və xarici faktorlarla bağlı olduğunu hesab edirlər. Qiymət artımına infilyasiya, idxalın bahalaşması, yanacağın bahalaşması və.s kimi qanunauyğun səbəblərlə yanaşı, xaricdən ölkəyə gətirilən məhsulların, həm də yerli məhsulların bazara çıxarılmasındakı inhisarçılıq amilidə mühüm təsir göstərir.  Mövcüd vəziyyəti izah edən ekspertlərdən biri qiymət bahalaşmasına öz fikrini belə izah etdi: ”Son bir neçə ildə qiymətlərin kəskin bahalaşmasına təsir göstərən ən mühüm amil inhisarçılıqdır. Bu gün bayram süfrəsində istifadə etdiyimiz ərzaq məhsullarının böyük hissəsini biz inhisar qiyməti ilə alırıq və bu da əlbəttəki bayram süfrəsinin qiymətinin bahalaşmasında öz əksini tapır. Əyər bunun qarşısı alınmazsa, bayram süfrəsinə çəkilən xərc ildən ilə artmaqda davam edəcək.”.