![Ölkədə daha bir ailə məmur özbaşınalığının qurbanı olub](https://turan.az/resized/750/500/resize/media/2014/main/081300087040.jpg)
Ölkədə daha bir ailə məmur özbaşınalığının qurbanı olub
Sumqayıt şəhərində yaşayan ər-arvad Jalə Salahova və Elçin Almurad oğlu çərşənbə günü səhər saatlarında Prezident Administrasiyasının önündə özlərini yandırıblar.
Hadisənin baş verməsinə səbəb Sumqayıt Şəhər Məhkəməsinin ailəyə məxsus evin sökülməməsi haqda qərar çıxarsa da buna məhəl qoyulmaması, evin sökülməsidir. Bu məmur özbaşınalığına etiraz olaraq ailə üzvləri özlərini yandırıblar. Ərazi mühasirəyə alınsa da hər iki şəxs özlərinə od vura bilib, ətrafdakı insanlar bunun qarşısını alıblar.
Bakı Şəhər Təcili Yardım Stansiyasından Turan-a bildirilib ki, zərərçəkənlər 5 saylı xəstəxanaya yerləşdirilib. Həkimlər qadına bədənin aşağı ətrafı və gövdənin, kişidə isə gövdənin arxa səthinin II-III dərəcəli yanıq diaqnozunu qoyublar. Hər iki şəxsin sağlıq durumunun ağır olduğu bildirilir.
İlk belə etiraz aksiyasını ötən il Qarabağ müharibəsi əlili Zaur Həsənov həyata keçirib. O, Bakının ətrafındakı kommersiya obyektinin sökülməsinə etiraz olaraq özünü yandırıb. Aldığı yanıq xəsarətləri nəticəsində bir neçə gündən sonra xəstəxanada vəfat edib. Bundan sonra onun ailəsinə 100 min manat pul verilib.-05D/B-
-
- Cəmiyyət
- 13 Avqust 2014 13:51
Cəmiyyət
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
-
Ötən həftəsonu respublikanın dağlıq və dağətəyi rayonlarına yağan intensiv yağıntılar növbəti dəfə yolların aşınmasına, yaşayış evlərinin su altında qalmasına və sel sularına səbəb olub.
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
Rəy yaz