![Sumqayıt Apellyasiya Məhkəməsi keçmiş naziri həbsdə saxlayıb](https://turan.az/resized/media/2014/main/081300087032-750-500-resize.webp)
Sumqayıt Apellyasiya Məhkəməsi keçmiş naziri həbsdə saxlayıb
Sumqayıt Apellyasiya Məhkəməsində həbsdə olan sabiq nazir Nicat Quliyevin apellyasiya şikayəti əsasında məhkəmə iclası keçirilib.
Məhkəmədən Turan-a verilən məlumata görə, N.Quliyevin barəsində Abşeron Rayon Məhkəməsinin qərarından verilmiş apellyasiya şikayəti təmin olunmayıb.
Qeyd edək ki, N. Quliyev Cinayət Məcəlləsinin 228.1-ci (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla) partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) maddəsində nəzərdə tutulan cinayəti törətməkdə şübhəli bilindiyinə görə 2013-cü il avqustun 7-də tutulub. Abşeron Rayon Məhkəməsinin hökmü ilə N.Quliyev 3 il müddətinə azadlıqdan məhrum edilib.
2005-ci ilin oktyabrında N.Quliyev digər yüksək vəzifəli şəxslərlə birgə dövlət çevrilişi etməkdə ittiham olunaraq həbsə alınıb, amma iki həftədən sonra azad edilib
N.Quliyev 1993-95-ci illərdə Azərbaycanın xarici iqtisadi əlaqələr naziri vəzifəsini müvəqqəti icra edib. Sonra Acarıstana gedib, 2004-cü ilədək prezident Aslan Abaşidzenin müşaviri postunda çalışıb. Bundan sonra Azərbaycana qayıdıb, Türkiyə və Azərbaycanda bizneslə məşğul olub.
Istintaqin iddialarına görə, N.Quliyevin bağ evində avtomatlar, əl qumbaraları, şəxsi avtomobilində isə tapança tapılıb.
Keçmiş nazirin həbsindən sonra tanınmış kinodramaturq və 2013-cü ildə Azərbaycan prezidentliyinə müxalifətin namizədi Rüstəm İbrahimbəyov N.Quliyevin həbsinin onunla bağlı olduğunu söyləyib. R.İbrahimbəyov “Turan”a müsahibələrinin birində N.Quliyevlə əlaqə saxlaması haqda açıqlama verərək ikili vətəndaşlıq maneəsini aradan qaldırmaq məsələsində ondan hüquqi məsləhətlər aldığını söyləmişdi-16D-
-
- İqtisadiyyat
- 13 Avqust 2014 13:13
-
- Cəmiyyət
- 13 Avqust 2014 14:05
Cəmiyyət
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
-
Ötən həftəsonu respublikanın dağlıq və dağətəyi rayonlarına yağan intensiv yağıntılar növbəti dəfə yolların aşınmasına, yaşayış evlərinin su altında qalmasına və sel sularına səbəb olub.
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
Rəy yaz