Kənd təsərrüfatı məhsullarının istehsalçılarına əlavə 25,7 mln manat subsidiya ayrılıb

Avqustun 12-də kənd təsərrüfatı nazirinin müavini İlham Quliyevin sədrliyi ilə kənd təsərrüfatı subsidiyaları üzrə Respublika Komissiyasının iclasında 27 rayonda 180,8 min kənd təsərrüfatı məhsullarının istehsalçısına 25 mln 785,6 min manat ayırmaq qərara alınıb.

Subsidiyalar hər hektar əkin sahəsinin becərilməsində istifadə edilən yanacaq və motor yağlarına görə 40 manat məbləğində verilir. Bu il ikinci dəfə belə qərar verilir. Bu dəfə komissiya 651 092,8 ha üçün vəsait ayırıb. Keçən dəfə (24 iyul) 203 min istehsalçı 651 092,8 ha üçün 26 mln 43,7 min manat subsidiya alıb.

Bu subsidiyalar 2007-ci ildə yanacaq-sürtkü materialları bahalanandan verilir. Hər hektar əkin sahəsinin becərilməsində istifadə etdiyi yanacaq və motor yağlarına görə dövlət büdcəsinin vəsaiti hesabına 40 manat yardım edilir. Dövlət buğda və düyü istehsalını təşviq edib hər hektar üçün əlavə 40 manat ayırır.

Bu il dövlət büdcəsindən 131 mın manat kənd təsərrüfatı subsidiyaları ayrılıb. Prosesin şəffaflığı üçün Kənd Təsərrüfatı Nazirliyi 2013-cü ilin dekabrından subsidiya alanların adını interner resursunda (www.agro.gov.az) yerləşdirir. 08D