Bakı/01.05.17/Turan: İnsan hüquqları üzrə müvəkkil Elmira Sülymanova daxili işlər naziri Ramil Usubova müraciət edərək həbsdəki bloger Mehman Hüseynovun şəxsiyyət vəsiqəsi ilə təmin olunması üçün zəruri addımların atılmasını xahiş edib. Vəkil Elçin Sadıqov Ombudsman Aparatına istinadən “Azadlıq” radiosuna bildirib.
Ombudsmanın məktubunda qeyd olunur ki, M.Hüseynovun şəxsiyyət vəsiqəsi 2012-ci ildə Səbayel Rayon Polis İdarəsi tərəfindən götürülüb. Bloger dəfələrlə müraciət etsə də onun şəxsiyyət vəsiqəsini geri verməyiblər.
E.Süleymanova R.Usubovdan xahiş edib ki, blogerin şəxsiyyət vəsiqəsi ilə bağlı durum araşdırılsın və müvafiq tədbir görülsün.
Ombudsman Aparatı M. Hüseynovun sağlıq durumunun araşdırılması üçün də müvafiq addım atıb.
Aparat rəhbəri Aydın Səfixanlı Ədliyyə Nazirliyinin Tibb Baş İdarəsinə müvafiq məktub göndərib.
Məktubda M.Hüseynovun səhhətinin araşdırılması, müalicə, müayinə və əməliyyata ehtiyacının olub-olmamasının araşdırılması və Ombudsman Aparatına bilgi verilməsi xahiş olunur.
Qeyd edək ki, M.Hüseynovun 5 ilə yaxındır ki, şəxsiyyət vəsiqəsi yoxdur.
Blogerin sağlıq durumunda da problemlər var. Damarında əməliyyat olunmalıdır.
Mehman Hüseynov 2017-ci il martın 3-də Suraxanı Rayon Məhkəməsinin qərarı ilə 2 il azadlıqdan məhrum edilib. Buna qədərisə onun yanvarın 9-da oğurlandığı güman edilirdi.
Yalnız yanvarın 10-da məhkəmə önünə çıxarkən onun Nəsimi Rayon Polis İdarəsinin 22 saylı polis bölməsində saxlandığı məlum olub. Nəsimi Rayon Məhkəməsinin qərarı ilə M.Hüseynov polisə tabe olmamaqda təqsirli bilinərək 200 manat cərimə edilib.
Məhkəmədən çıxan bloger polisdə saxlandığı müddətdə işgəncələrə məruz qaldığını söyləyib.
Bundan sonra Nəsimi Rayon Polis İdarəsinin rəisi Musa Musayev də M.Hüseynovun işgəncə ilə bağlı dediklərini polisə böhtan sayaraq xüsusi ittiham qaydasında iddia qaldırıb. Həmin iddia əsasında M.Hüseynov 2 il azadlıqdan məhrum edilib.-0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz