Şirkət ölmüş heyvan ətinin satışı ilə məşğul olub
Bakı/01.05.17/Turan: Kənd Təsərrüfatı yanında Dövlət Baytarlıq Xidməti (DBX) “Elba 99” şirkətinə məxsus anbar və nəqliyyat vasitəsində insan orqanizmi üçün zərərli ət aşkar edib.
DBX müəyyən edib ki, bunlar ölmüş və ya aqoniya vəziyyətində kəsilmiş at ətləridir.
Aprelin 26-da keçirilən reyd zamanı DBX və Daşkəsən rayon polis şöbəsinin əməkdaşları sürücü Namiq Əliyevin idarə etdiyi avtomobildə dondurulmuş heyvan ətləri aşkar ediblər. Müəssisəyə baxış zamanı 5680 kiloqram ət aşkar edilib.
Laboratoriya nümunələri əsasında ətlərin hamısının ölmüş və ya aqoniya vəziyyətində kəsilmiş at ətlərinin olduğu müəyyən edilib. Həmçinin həmin ətlərin insan sağlamlığına, səhhətinə zərər yetirən bakteriyalarla çirkləndiyi məlum olub.
“Elba 99” şirkətinə qarşı qanunvericiliyə uyğun tədbirlərin görüləcəyi bildirilir.
“Elba 99” təkcə ticarət şəbəkələrinə yox, həm də dönər istehsalçılarına ət göndərməklə məşğul olub.–06D—
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz