Osman Kazımov: A.Abdullayev barəsində yayılan xəbərlər əsassızdır

Beynəlxalq bankın rəhbəri Cahangir Hacıyevin əleyhinə ifadə vermək şərtilə AMAY rəhbəri Abdulla Abdullayevin azadlığa buraxılması haqda yayılan xəbərlər əsassızdır. Bunu Turan-a A.Abdullayevin vəkili Osman Kazımov bildirib.

Vəkilə görə, əgər hakimiyyət C.Hacıyevi həbs etmək istəyirsə, bunun üçün istənilən qədər səbəb tapa bilər və bu məsələdə A.Abdullayevin ifadəsinə hər-hansı ehtiyac yoxdur. Onun fikrincə, digər tərəfdən bu xəbəri yayanlar, görünür, A.Abdullayevin xarakterinə bələd deyillər. “Əgər onlar onun xarakterinə bələd olsaydılar bu xəbərləri yaymazdılar”, - deyə vəkil müdafiə etdiyi şəxs haqda bildirib.

O.Kazımov A.Abdullayev barəsində yayılan bu səpgili xəbərlərin inandırıcı olmadığını xüsusi vurğulayıb.

Vəkil eyni zamanda A.Abdullayev üzərində məhkmənin nə vaxt davam edəcəyi sualını da cavablandırıb. Məhkəmənin nə zaman başlayacağını dəqiq deyə bilməyən vəkil bunun Avropa Oyunları başa çatdıqdan sonra ola biləcəyi ehtimalını nəzərə çatdırıb. -05B-