Parlamentin gələcək tərkibi ilə bağlı Cəmil Həsənlinin proznozu özünü doğrultdu

Hələ oktyabrın 9-da Milli Məclisin tərkibi haqda verilən proqnoz özünü doğrultdu.

Xatırladaq ki, Demokratik Qüvvələrin Milli Şurasının sədri Cəmil Həsənli 5-ci çağırış Milli Məclisə deputatların siyahısını açıqlamışdı. 

Demokratik şəraitin olmadığı halda deputat korpusunun tərkibi az dəyişəcək və “seçkilər”in nəticələri əvvəlcədən həll olunub. 

C.Həsənli bildirmişdi ki, parlamentə 25 nəfər yeni şəxs düşəcək, qalan deputatlar isə öz yerlərini saxlayacaqlar. Deputat mandatını itirənlər Ümid Partiyasının rəhbəri İqbal Ağazadə, nəqliyyat nazirinin qardaşı Elton Məmmədov, şeyxüslam Allahşükür Paşazadənin qohumu Qalib Salahzadə, keçmiş baş nazirin oğlu Aydın Abbasov olacaq.    

O, yeni seçilənlər arasında müxalifətçi Pənah Hüseyn, keçmiş müxalifətçi Tahir Kərimli, Sosial Demokrat Partiyasının sədri Araz Əlizadə, jurnalist İlhamiyyə Rzayeva, həkim Rəşad Mahmudovun adlarını çəkib.

Bu proqnozdan Pənah Hüseyn, İlhamiyyə Rzayeva, İlyas İsmayılovun adları özünü doğrultmayıb.

C.Həsənli öz proqnozlarını Turan agentliyinə şərh edərkən deyib ki, görünür, İ.İsmayılovun 2013-cü il prezident seçkilərinin nəticələrini tanımamasını ona bağışlamayıblar.

Digərlərinə gəlincə, P.Hüseynin seçilməməsi onu göstərir ki, hükimiyyət parlamentdə bir müxalifətçinin belə olmasını istəmir. Buna baxmayaraq, P.Hüseyn bir dəfə həmin dairədən deputat olub və hakimiyyətlə müxalifət arasında dialoqun qurulmasında fəal iştirak edib.

Milii Şuranın sədri ehtimal edir ki, A.Əlizadənin parlamentə daxil edilməsinin və İ.Ağazadənin kənarlaşdırılmasının dərin səbəbləri var ki, bu da hökumətdəki dəyişikliklərlə bağlıdır.

İ.Rzayevaya gəlincə, o, hakimiyyətin layihəsi olan “125”lər blokunun təmsilçisi olub və bu seçkilərin manipulyasiyası, siyasi plüralizm haqda təsəvvürün yaradılması üçün lazım olub. Lakin bu layihənin arxasında duran qüvvələr seçkilər ərəfəsində  özləri hökumətdəki mövqelərini itirdilər ki, bu da ”125”lər layihəsini dəfn etdi.-03B-