Rəsmi qəzetlər ölkədə keçirilmiş parlament seçkiləri mövzusunu önə veriblər. Bu qəzetlər seçkilərin şəffaf, demokratik və kifayət qədər beynəlxalq müşahidəçilərin iştirakı ilə keçirildiyi iddialarını ortaya qoyurlar.
“Azadlıq” qəzeti Azərbaycanda keçirilmiş 1 noyabr parlament seçkilərini “ölkə tarixinin ən rüsvayçı seçkiləri” kimi dəyərləndirməsini manjetə çıxarıb.
Parlament seçkilərini legitim saymayan Milli Şura seçkinin nəticələrini “Əliyev rejiminin növbəti dəfə xalq hakimiyyətinin zorakı yolla əlindən alması” kimi dəyərləndirir.
“Freedom House” təşkilatı Azərbaycanda seçkilərin gedişini “bərbad şəraitdə keçirilən parlament seçkisi” kimi qiymətləndirib.
Qərb mətbuatı ölkənin müxalifət qüvvələrinin parlament seçkilərində iştirak etməməsi fonunda seçkiləri “boykot olunmuş seçki” kimi təqdim edir.
SOCAR-da “gülənçi” kadrların çoxluğunun rəsmi Ankarada narahatlıq yaratması ilə bağlı ekspertlər Ərdoğan 1 noyabr parlament seçkilərində qalib çıxarsa SOCAR-ın Türkiyə fəaliyyətinə dair ciddi araşdırmaların başlaya biləcəyi barədə xəbərdarlıq edirlər.
“Azərspace” vasitəsilə yayımlanan diniyönlü “Zühur” və “Kanal-12” İnternet TV-lərin yayımının rəsmi Bakının təzyiqilə dayandırılmasını ilahiyyatçı Tale Bağırzadə “ölkədə demokratiyanın olmamasının təzahürü” adlandırıb.
Şəmkir rayon rəhbərliyi şəhərin mərkəzi “Həzrəti Əli ”məscidində 4 həftədir ki, cümə namazı qlılınmasına qadağa qoyub.
Qəzet sentyabrın ortalarından Bakıda və Bakı ətrafında dəyəri milyonlarla ölçülən villaların satışa çıxarılmasını yüksək rütbəli məmurların ətrafındakı “hay-küy” ilə əlaqələndirərək faktı “oliqarxların bahalı villaları satışa çıxarması” adlandırır.
Gəlirlərin kəskin azalması ilə bağlı “Binə” və “Sədərək” ticarət mərkəzlərinin bağlanma ilə üz-üzə qaldığını yazan qəzet bunu 50 min insanın “çörəksiz ” qala biləcəyi kimi dəyərləndirir.
“Yeni Müsavat” Azərbaycanın yeni parlamentinin məlum olmasını, müxalifətdən parlamentə heç kimin buraxılmamasını ilk səhifəyə çıxarıb.
Ekspertlər Azərbaycanda parlament seçkilərinin nəticələrinə dair kifayət qədər mənfi rəylərin olacağı bəyanatı səsləndiriblər.
Qəzet “MTN işi” ilə bağlı MTN-in İstintaq İdarəsinin rəis müavininin həbsə alındığını nəzərə çatdırır.
Ekspertlər son zamanlar Rusiya-Gürcüstan yaxınlaşmasını “Rusiyanın Azərbaycanı regionda təkləmək istəməsi” siyasətinin tərkib hissəsi kimi şərh edirlər.
Rəsmi Bakı ilə Tbilisi arasındakı qaz mübahisəsinin siyasi məsələ olduğunu deyən ekspertlər rəsmi Bakıya SOCAR-ın Gürcüstanda hakim mövqedə qalması üçün danışıqları davam etdirməsini vacib sayıblar.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz