Paytaxtda 1 kiloqramdan çox heroin, sərhəddə sintetik narkotik vasitələr aşkar edilərək götürülüb
Bakı/06.07.17/Turan: Polis əməliyyatı zamanı Lökbatan qəsəbə sakini, əvvəllər məhkum olunmuş Füzuli Hüseynovdan 52 qram heroin götürülüb, onun mənzilindən isə 1 kq. 165 qr. heroin tapılıb.
Qaradağ rayonu sakini Məmməd Mirfətəliyevdən də 410 qram marixuana götürülüb. Bu barədə DİN mətbuat xidməti məlumat yayıb.
Öz növbəsində Gömrük Komitəsi son sutkalar İran-Azərbaycan sərhəddində narkotik maddənin keçirilməsinə iki cəhdin olduğunu bildirib.
Birinci halda adı açıqlanmayan Azərbaycan vətəndaşı düz bağırsağında 1,40 qram çəkidə 1 büküm metadon və 2 ədəd bağlamada ümumi çəkisi 65,316 qram olan metamfetamin keçirmək istəyib.
İkinci hadisədə İran vətəndaşı Azərbaycana dərman adı altında 10 qram tramadol və 5,98 qram metadon keçirməyə cəhd göstərib. -02D-
Cəmiyyət
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
Rəy yaz