Pərviz Həşimli: MTN istintaq təcridxanasında təzyiqə son qoyulmur
Jurnalist və hüquq müdafiəçisi Pərviz Həşimli aprelin 16-dan aclıq aksiyasını dayandırıb. Bu barədə Turan-a vəkil Bəhruz Bayramov bildirib.
Onun sözlərinə görə, bu gün Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən prosesdə Pərviz Həşimli bildirib ki, Milli Təhlükəsizlik Nazirliyinin istintaq təcridxanasının rəisi onun ailəsilə görüşə icazə verəcəyini söz verib.
Bundan sonra jurnalist aclığı dayandırıb.
Bununla belə, jurnalist məhkəmədə çıxış edərək bildirib ki, ona MTN-də təzyiqlər daha da artıb.
Belə ki, Pərviz Həşimlinin gəzintiyə çıxmasına icazə verməyiblər. Həmçinin, məhkəmə proseslərini MTN əməkdaşları müşahidə edir.
Buna etiraz edən hakim Novruz Kərimov “Biz burada MTN əməkdaşı görməmişik” deyib.
Vəkil onu da bildirib ki, prosesdə Təvəkkül Qurbanovun maşınında pulun olması epizodu ilə bağlı hal şahidi Zaur Abdullayev ifadə verib.
İbtidai istintaqla məhkməə istintaqı arasında ifadələrin ziddiyyət təşkil etdiyini hesab edən vəkilin fikrincə, işdə bir çox qeyri-dəqiqliklər və uyğunsuzluqlar var.
Həmçinin Pərviz Həşimli prosesdə vəsatət qaldırararq İran vətəndaşlarının kimliyi barədə Dövlət
Sərhəd Xidmətinə sorğu göndərilməsini istəyib. Lakin hakim vəsatəti təmin etməyib.
Məhkəmənin növbəti iclası aprelin 24 -də keçiriləcək.
Pərviz Həşimli 17 sentyabr 2013-cü ildə MTN əməkdaşları tərəfindən həbs edilib. Martda həbs müddəti üç ay artırılıb. O, 206.3.2 (qaçaqmalçılıq) və 228.2.1-ci (qanunsuz silah əldə etmək, saxlamaq) maddələrlə ittiham olunur. Jurnalist özünü təqsirli bilmir, istintaq zamanı ondan bir sıra vəzifəli şəxslərə qarşı guya müxalifəti maliyyələşdirdikləri barədə ifadə alıblar. Ondan həmçinin AXCP lideri Əli Kərimliyə qarşı ifadə verməyi tələb ediblər. -16B-
-
- Siyasət
- 17 Aprel 2014 17:58
Cəmiyyət
-
"Azərbaycan Respublikasının Prezidenti cənab İlham Əliyevin və ailə üzvlərinin adından guya vətəndaşların hansısa investisiya proqramına vəsait qoymağa təşviq edilməsi barədə bir sıra saxta sosial şəbəkə hesablarında paylaşılan materialların saxta ("fake") məlumatdır".
-
Azərbaycanda taksi xidməti ilə bağlı tənzimləmələrdən sonra Bakıda 35 minə yaxın taksi fəaliyyət göstərir və bu say əvvəlkindən 2 dəfə azdır. Bu barədə rəqəmsal inkişaf və nəqliyyat nazirinin müavini Rəhman Hümmətov Mobillik sahəsində qanunvericiliyin təkmilləşdirilməsinə həsr olunmuş brifinqdə bildirib.
-
Hakim Yeni Azərbaycan Partiyası (YAP) iyulun 17-də sentyabrın 1-də keçiriləcək növbədənkənar parlament seçkiləri ilə bağlı bütün 125 dairə üzrə namizədlərinin siyahısını açıqladı. Əvvəlki çağırış parlamentində təmsil olunan hakim partiya nümayəndələrinin bəziləri həmin namizədlərin arasında yoxdur.
-
Azərbaycanın milli aviadaşıyıcısı AZAL Bakı-Düşənbə-Bakı marşrutu üzrə uçuşlara başlayır.
Rəy yaz