Putin Ukraynaya qoşun yeridilməsini mümkün sayır
RF prezidenti Vladimir Putin “Pryamaya liniya” (“Düz xətt”) zamanı Ukraynanın şərqinə Rusiya kontingenti yeridilməsinin mümkün olub-olmadığı barədə suala cavab verib.
“Krımın milli və etnik tərkibi Ukraynanın cənub-şərqinin tərkibindən fərqlənir. Biz dəqiq bilirik ki, bu insanlara öz hüquqlarını müdafiə etməyə və öz talelərini seçməyə kömək etməliyik. Bizim Ukraynanın şərqində Rusiya silahlı qüvvələrindən istifadə etmək hüququmuz var. Ümid edirəm ki, bu hüquqdan istifadə etməyəcəyik”, deyən Putin bunun üçün nə lazım olduğunu açıqlayıb.
Ukrayna dərhal Dnestryanının mühasirəsini qaldırmalıdır.
“İnsanlar çox Rusiyayönlü əhval-ruhiyyədədirlər. Biz bu insanlara istədikləri kimi hərəkət etməyə imkan versək, bu, demokratiyanın təzahürü olar. Moldova, Ukrayna ilə dialoq aparmaq, “5+2” danışıqlarını təsdiq etmək lazımdır. Son nəticədə mühasirəni qaldırmaq lazımdır. Dnestraynı və Ukrayna sərhədinə artıq milliyyətçi birləşmələr çəkilib, buna son qoymaq lazımdır”, deyə Putin bildirib.
Son nəticədə insanlara öz talelərini həll etmək imkanı verilməlidir. Biz bütün tərəfdaşlarımızla məhz bunun üzərində işləyəcəyik, deyə o əlavə edib.
Daha sonra o bəyan edib ki, Rusiya Krımı güclə birləşdirməyib, insanların öz iradələrini azad ifadə etməsi üçün şərait yaradıb. “Birləşmə qərarını insanlar özləri qəbul edib, Rusiya belə bir qərar qəbul etməyib. Beynəlxalq işlərdə güc faktı həmişə olub, var və olacaq”, deyə o bildirib.
Putinin sözlərinə görə, Rusiya və Ukraynanın arasını vurmaq istəyi yüzillərdir beynəlxalq siyasətin predmetidir. “Bəzi qüvvələr bizim gücümüzdən qorxur. Yuqoslaviya xırda-xırda hissələrə parçalandı. Bizimlə də belə etmək istəyirlər”, deyə prezident bildirib.
“Məsələ Krım hadisələrində deyil. Gəlin, İraqda, Əfqanıstanda, Liviyada, digər bölgələrdə baş verənləri xatırlayaq. Bütün dünyada belə bir xülya yarandı ki, hər şeyi güclə həll etmək olar, biz isə beynəlxalq hüquqa riayət etmək yolu ilə irəliləyəcəyik”, deyə Putin bildirib.
O, həmçinin əvvəllər inkar etdiyi Krımda rus hərbiçilərindən istifadə faktını etiraf edib.
Bütün bu bəyanatları Putinin Qərbin və Ukraynanın özünün Kiyevə təzyiqlərə son qoymaq və hərbiçilərini Ukraynanın şərq bölgələrindən çıxarmaq tələblərinə cavab hesab etmək olar. -02D-
Siyasət
-
Tbilisidə yerləşən Hüquq və Azadlıqların Müdafiəsi İnstitutu Azərbaycanın Azel.tv saytının təsisçisi Əfqan Sadıqovun üçüncü ölkələrə getməsinə qadağa qoyulması ilə əlaqədar bəyanat yayıb.
-
1 saylı Bakı İstintaq Təcridxanasında saxlanılan İstanbul Universitetinin doktorantı Fazil Qasımovla bağlı cinayət işinin ibtidai istintaqı başa çatıb. Hazırda Fazil Qasımov və vəkilləri 7 cildlik cinayət işi ilə tanış olurlar.
-
"Qeyri-hökumət təşkilatının illik maliyyə hesabatının forması, məzmunu və təqdim edilməsi Qaydası"na dəyişiklik edilib.
-
"Enerji sahəsində Bakıda müəyyənləşdirdiyimiz strateji tərəfdaşlıq bizim Avropaya qaz təchizatımızın 2027-ci ilin sonuna qədər ikiqat artırılmasını nəzərdə tutur". Bu barədə Azərbaycan prezidenti İlham Əliyev iyulun 18-də Oksfordda "Avropa Siyasi Birliyi"nin 4-cü Zirvə toplantısı çərçivəsində "Enerji və bağlantı" mövzusunda dəyirmi masada çıxışında bildirib.
Azərbaycan və Ermənistan liderlərinin görüşü niyə baş tutmadı? – İlham İsmayıl Çətin sualda
Xəbər lenti
-
- Cəmiyyət,
- 14:01
- 53
Rəy yaz