![Siyasi məhbusların müdafiəsinə həsr olunmuş yeni kampaniya](https://turan.az/resized/media/2014/main/041700075888-750-500-resize.webp)
Siyasi məhbusların müdafiəsinə həsr olunmuş yeni kampaniya
Aprelin 14-də facebook-da Azərbaycandakı siyasi məhbusların azad edilməsi üzrə kampaniya elan edilib. Bu gün RATİ-nin mətbuat mərkəzində keçirilən iclasda kampaniyanın təfsilatı açıqlanıb.
“Azad et” kampaniyası siyasi məhbusların tam azad edilməsi məqsədi daşıyır. AXCP Gənclər Təşkilatının sədri İlham Hüseynov siyasi fəalların son həbslərini, o cümlədən AXCP üzvlərinin məruz qaldığı inzibati cəzaları xatırladıb.
Ölkədə elə bir vəziyyət yaranıb ki, vətəndaşlar artıq müdafiə üçün hara isə müraciət edə bilmirlər, deyə o qeyd edib.
AXCP sədr müavini Əbülfəz Qurbanlının sözlərinə görə, kampaniya çərçivəsində ictimaiyyətə siyasi məhbuslar haqqında maksimum məlumat vermək və beynəlxalq qurumların Bakıya təzyiq göstərməsinə nail olmaq lazımdır.
“Biz yol verə bilmərik ki, “NİDA” üzvləri uzunmüddətli həbs cəzalarına məruz qalsın, biz bütün siyasi məhbuslar azad edilənə qədər mübarizə aparacağıq. Buna görə kampaniya davamlı olmalıdır”, deyə Qurbanlı bildirib.
Sülh və Demokratiya İnstitutunun direktoru Leyla Yunus qeyd edib ki, onun təşkilatı 1995-ci ildən siyasi məhbuslar problemi ilə məşğul olur. “Həmin vaxt Azərbaycanda 714 siyasi məhbus var idi. 2002-ci ildə onların sayı yüzdən az idi, indi isə ölkədə 129 siyasi məhbus var, onların 40-ı vicdan məhbusudur”, deyə Yunus bildirib.
O, Azərbaycanda Avropa Oyunlarının ləğv edilməsi çağırışı ilə kampaniyaya başlamağı, habelə Azərbaycanda siyasi məhbuslar problemi haqqında bütün Avropa Şurası ölkələrinə mayda AŞPA Nazirlər Komitəsinə rəhbərlik edəcək Azərbaycanda siyasi məhbuslar problemi ilə bağlı müraciət etməyi təklif edib.
NİDA hərəkatının lideri Turqut Qəmbər həbsdə olan 8 təşkilat üzvünün bəyatanını oxuyub. Onlar bildiriblər ki, bu gündən etibarən ayrı-seçkiliyə və repressiyalara qarşı etiraz əlaməti olaraq aclıq aksiyası elan ediblər.
Bütün çıxış edənlər siyasi məhbusların azad edilməsi tələbi ilə əlaqədar sosial şəbəkələrdə aktiv fəaliyyətin zəruri olduğunu bildiriblər. -04С-
-
- İqtisadiyyat
- 17 Aprel 2014 16:36
-
- Siyasət
- 17 Aprel 2014 17:58
Cəmiyyət
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
-
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
-
Azərbaycanlı iqtisadçılar qrupu, keçmiş millət vəkili və iş adamı Nazim Bəydəmirli üçün həbs-qətimkan tədbirinin dəyişdirilməsinə yardım göstərməsi üçün Prezident İlham Əliyevə müraciət edib.
-
İyulun 20-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Şimal-şərq küləyi əsəcək.
Azərbaycan və Ermənistan liderlərinin görüşü niyə baş tutmadı? – İlham İsmayıl Çətin sualda
Xəbər lenti
-
- Cəmiyyət,
- 14:01
- 212
Rəy yaz