Ötən gün jurnalist və hüquq müdafiəçisi Pərviz Həşimlinin məhkəmə prosesində vəkillər son sözlə çıxış ediblər.
Elçin Sadıqov bildirib ki, P.Həşimli növbəti uydurma və siyasi motivli ittiham üzrə təqib olunur.
E.Sadıqovun fikrincə, jurnalist MTN-i tənqid etdiyinə, Əli Nağıyev (MTN rəhbərinin keçmiş müavini, hazırda Baş Prokururluq yanında Korrupsiyaya Qarşı Mübarizə İdarəsinin rəisi), Vəli Nağıyev (Ə.Nağıyevin qardaşı) və Cavid Qurbanovla (“Azəryolservis” QSC-nin rəhbəri, parlamentin deputatı) dostluğuna görə təqib olunur.
Vəkilin fikrincə, P.Həşimli “hakimiyyətdaxili intriqaların və onun müxalifətin susdurulması ilə bağlı siyasətinin qurbanı olub”. Həşimliyə hədə-qorxu gəliblər ki,əgər AXCP lideri Əli Kərimliyə qarşı ifadə verməsə, onun ölkədə sabitliyi pozmaq üçün müəyyən şəxslərdən pul aldığını söyləməsə həbs olunacaq.
Həşimli imtina etdikdə ona qarşı silah qaçaqmalçılığı ilə bağlı təxribat törədilib. Belə ki, guya Həşimlinin sifarişi ilə İrandan silah gətirilməsi üzrə iş saxtalaşdırılıb.
P.Həşimli saxlandıqdan sonra MTN-də ondan tələb ediblər ki, Ə.Nağıyevin sifarişi ilə MTN-i tənqid etdiyini etiraf etsin, həmçinin Ə.Nağıyev və C.Qurbanovdan pul alıb AXCP lideri Əli Kərimliyə verdiyini bildirsin. “Onu zorlana ilə hədələyiblər, başına, üzünə, qarnına vurublar. Dəfələrlə döyülməyə məruz qalıb”, - vəkil əlavə edib.
Həşimlinin evində axtarış prosessual normaların pozulması ilə aparılıb.
MTN əməkdaşları pəncərədəki dəmir barmaqlığı çıxararaq onun mənzilinə daxil olublar, həyat yoldaşına və beşyaşlı qızına tərpənməməyi əmr ediblər. Həyətdəki müşahidə kamerasını sındıraraq yaddaş kartını götürüblər.
Digər iki vəkil Fariz Namazlı və Bəhruz Bayramov da işin saxtalaşdırıldığını bildirərək məhkəməni Həşimliyə bəraət verməyə çağırıblar. Növbəti məhkəmə iclası mayın 14-də olacaq.
* Pərviz Həşimli 2013-cü il sentyabrın 17-də MTN əməkdaşları tərəfindən həbs olunub. Martda həbs müddəti daha 3 ay uzadılıb. O, qaçaqmalçılıq (206.3.2-ci maddə), qanunsuz silah əldə olunması və saxlanmasında (228.2.1) ittiham olunur.-16B06-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz