Azərbaycan və Fransa şirkətləri arasında sənədlər imzalanıb

Mayın 12-də Fransa prezidenti Fransua Ollandın Bakıya səfəri çərçivəsində Azərbaycan-Fransa biznes forumu keçirilib. Forumda prezidentlər İlham Əliyev, Fransua Olland iştirak ediblər.

Forumun yekunu olaraq Azərbaycan və Fransa şirkətləri arasında aşağıdakı sənədlər qəbul edilib:

- “Azərbaycan-Fransa Ticarət və Sənaye Palatası” İctimai Birliyinin təsis yığıncağının qərarı: 

- Fransadasn sərnişin avtobuslarının təchizatına dair müqavilə;

- Fransadan yük lokomotivlərinin alınmasına dair müqavilə;

- Azərbaycanın Gəncə şəhəri, Şəmkir, Göygöl və Balakən rayonlarının İcra hakimiyyətləri ilə Fransanın Burqundiya regionunun Yon vilayətinin Ali Şurası arasında dostluq və əməkdaşlıq sazişi;

- Azərbaycanın Tovuz şəhəri və Fransanın Konyak şəhəri arasında qardaşlaşma sazişi;

- “Airbus Dies” şirkəti ilə “Azərkosmos” ASC arasında Yerin müşahidə xidmətləri sahəsində əməkdaşlığa dair anlaşma memorandumu, praktiki təlim, nou-hau ötürülməsi və texniki yardıma dair müqavilə;

- “Air Liquide” şirkəti ilə Sumqayıt Kimya Sənaye Parkı arasında əməkdaşlığa dair anlaşma memorandumu;

-  “Bouygues Travaux Publics” şirkəti ilə “Bakı Metropoliteni” QSC arasında “28 May” stansiyasının yenidən qurulması və metropolitenin yaşıl xəttinin “Xətai”-“Həzi Aslanov-2” hissəsinin tikintisinə dair anlaşma memorandumları:

- “Thales” şirkəti ilə “Bakı Metropoliteni” QSC arasında ilkin araşdırmaların aparılması və təlim-tədris əməkdaşlığına dair anlaşma memorandumları;

- “Alstom Transport” şirkəti ilə “Bakı Metropoliteni” QSC arasında təchizat müqavilələrinə dair anlaşma memorandum.-03D-