Pərviz Həşimliyə yeni ittiham irəli sürülüb

MTN ibtidai istintaqın nəticələrinə görə həbsdə olan jurnalist Pərviz Həşimliyə 228.2..2-ci maddə (odlu silahı təkrar qanunsuz saxlamaq) ilə yeni ittiham irəki sürüb. Bu haqda Turana P.Həşimlinin vəkili Elçin Sadıqov bildirib.

Beş aydan sonra istintaqın birdən Həşimliyə öz evində qanunsuz silah saxlamaq maddəsini tətbiq etməsi  maraqlıdır.

Əvvəllər isə MTN Həşimlini Təvəkkül Qurbanov adlı şəxsin guya İrandan qaçaq yolla gətirdiyi 5 tapançanı satış məqəsdilə almaqda ittiham edirdi. 

O zaman Həşimliyə 206.3.2-ci (əvvəlcədən bir neçə şəxsin ilkin razılaşması üzrə qaçaqmalçılıq) və 228.2.1-ci (əvvəlcədən bir neçə şəxsin öncədən razılaşması əsasında qanunsuz silah saxlamaq) maddələrlə ittiham elan edilmişdi. 

Vəkil Elçin Sadıqov istər yeni. istərsə də köhnə ittihamları “qanunsuz və siyasi motivli” adlandırıb.

“Bizim yol” qzetini əməkdaşı, “moderator” saytınnı rəhbəri P.Həşimli 2013-cü il sentyabrın 17-də silah qaçaqmalçılığında və qanun suz silah saxlamaqda  ittiham edilib.

Jurnalist ittihamları rədd edərək həbsinin qurama və siyasi motivli olduğunu bildirib. Həbsinə səbəb kimi AXCP sədri Əli Kərimli əleyhinə ifşaedici bəyanat verməməsi gösətrilir.-16D06-