Polis Bakı sakinindən 24 kiloqram narkotik maddə götürüb

Bakı/27.12.23/Turan: Əməliyyat-axtarış tədbirləri zamanı polis əməkdaşları narkotik maddələrin qanunsuz dövriyyəsində şübhəli bilinən Bakı sakini İmamverdi İsgəndərovu (1993-cü ildə anadan olub) saxlayıblar.

Daxili İşlər Nazirliyinin mətbuat xidmətinin məlumatında deyilir ki, şəxsi yoxlama və avtomobildə axtarış zamanı ondan 24 kiloqram narkotik vasitə və psixotrop maddələr, o cümlədən 13 kiloqram  psixotrop maddələrlə zənginləşdirilən qurudulmuş marixuana, 7 kiloqram heroin, 4 kiloqram metamfetamin aşkar edilərək götürülüb.

İsgəndərov istintaqa ifadəsində bildirib ki, narkotik maddələri tanışı olan İran vətəndaşının tapşırığı ilə Astara rayonundakı gizli yerdən götürüb və Bakıya gətirib, bayram ərəfəsində onları ayrı-ayrı şəxslərə satmaq istəyirmiş.

Əməliyyatı Daxili İşlər Nazirliyinin  Baş Narkotiklərlə Mübarizə İdarəsinin əməkdaşları keçiriblər.–05В06-