Polis əməkdaşı: «Qiyas bizə dedi ki, narkotika satıram»

Oktyabrın 4-də  Bakı Ağır Cinayətlər Məhkəməsində "NİDA" Vətəndaş Hərəkatının həbsdə olan üzvü Qiyas İbrahimovun cinayət işi üzrə növbəti məhkəmə iclası keçirilib

Şahidlərdən Nəsimi rayon 22 saylı polis bölməsinin cinayət axtarışı şöbəsindən Seyran Lütfəliyev ifadə verib:“10 may 2016-cı ildə bizə şikayət daxil oldu. Xarici görkəmindən oxşadıb, özümüzü ona təqdim etdik. Heç bir zorakılıq əlaməti olmayıb. Qiyasın özü bizə bildirdi ki, narkotik satıram. Hətta özü cibindəki narkotiki bizə çıxardıb verdi”.

 Bu zaman vəkil Elçin Sadıqov Q. İbrahimovdan S.Lütfəliyevi tanıyıb-tanımadığını soruşub və Q.İbrahimov bildirib:“Evə axtarış aparmağa gedəndə, daha doğrusu narkotik qoymağa gedəndə bu şəxs mənim sol qolumdan tutmuşdu. Anama yaxınlaşıb onu sakitkləşdirmək istəyəndə mənə dedi ki, sakir ol iş çıxartma. Elə etmə ki, evdən narkotiklə birgə silah da çıxardaq”.

Daha sonra Bakı Baş polis İdarəsinin leytenantı İmran Əliyev də S.Lütfəliyevin dediklərini təsdiqləyib. E.Sadıqov şahiddən Qiyası necə tanıyıb , yaxınlaşdığını soruşdu. Şahid Əliyev İmran bildirdi ki, “ Bizə dedilər ki, saqqallı oğlandı, zahiri görünüşcə oxşatdım ki, narkotik satıcısı budur. Bizə zahiri əlaməti ilə bağlı məlumat verdilər, şəkil görməmişəm”.

Məhkəmə istintaqında Q.İbrahimovun anası Şura Əmiraslanova da şahid qismində ifadə verib: “Qapı açıldı, 5-6 nəfər içəri girib, soruşdu ki, Qiyasın anasısan. Bəli deyən kimi, 15 nəfər içəri girdi. Elə vəziyyət yaranmışdı ki, özləri çığırırdılar. Axırda bir polis dedi ki, bir az sakit olun evdə xanım var. Qiyas mənə yaxınlaşıb dedi ki, qorxma ana məni siyasətlə suçlayıb, narkotiklə tutmaq istəyirlər. Yatağı yeni yığmışdım. Polis soyuducuyu açanda dedim ki, narkotiki yatağa qoyubsan. O döşək yuxarıda idi, amma indi ortadadı”.

Ş.Əmiraslanova oğlunun həbsindən sonra 3 gün xəbər ala bilmədiyini deyib: “Teleqramıma 20 gün sonra cavab gəldi. 25 gün Qiyasla danışa bilmədim. Hətta təcridxanaya gedəndə apardığım yeməkləri vermirdilər”.

Ş.Əmiraslanova  hakimdən haqlı qərar verməsini xahiş etdi. “Oğluma şər atıblar, oğlumə hər gün dərsə getməsi üçün bir manat verirdim. Mənim oğlum 5 il eyni paltarları geyinib universitetə, onun narkotika ilə heç bir əlaqəsi yoxdu. O, Heydər Əliyevin heykəlinə yazdığı siyasi şüarlara görə həbs olunub. Mənim fəryadımı eşidin və haqlı qərar verin. Mənim Qiyasdan başqa heç kimim yoxdu”.-90C-